ارجیت نے سلمان کے نام معافی نامہ فیس بک سے ہٹادیا

ممبئی:  بالی ووڈ گلوکار ارجیت سنگھ نے سماجی رابطے کی ویب سائٹ فیس بک پر سلمان خان کے نام معافی نامہ جاری کرنے کے کچھ ہی گھنٹوں بعد ڈیلیٹ کردیا۔

پریس ٹرسٹ آف انڈیا کے مطابق ارجیت سنگھ نے فیس بک پر معافی نامے میں سلمان خان سے فلم سلطان کے لیے اپنی آواز میں ریکارڈگانا ختم نہ کرنیکی التجاکی ۔ارجیت سنگھ کا کہناتھا کہ انھوں نے سلمان خان سے معافی مانگنے کے لیے اس لیے سماجی پلیٹ فارم کا سہارا لیاہے کہ ان کا بالی ووڈ سپر اسٹارسے رابطہ نہیں ہوپارہا ۔ اپنا معافی نامہ ختم ڈلیٹ کرنے کے بعد ارجیت نے کہا ہے کہ انھیں امید ہے کہ ان کا یہ خط کسی نہ کسی طرح سے سلمان خان تک پہنچ چکا ہوگا ۔

واضح رہے کہ ارجیت نے معافی نامے میں کہا تھا کہ ان کا مقصد قطعی طور پر سلمان خان کی توہین کرنا نہیں تھا۔ آپ کے لیے گانا میرا خواب تھا جو اب پورا ہونے جا رہا تھا۔اس گانے کو سلطان سے ختم نہ کروائیں بہرحال آپ کا جو بھی فیصلہ ہو میں اور میرا خاندان ہمیشہ سے آپ کا فین تھا اور رہے گا۔