بجٹ میں بلاواسطہ ٹیکس کے اضافے کی سخت مخالفت کریں گے فاروق ستار
کراچی معاشی ترقی میں انجن کی حیثیت رکھتا ہے اس لیے اسے تمام قومی پالیسیوں میں شامل کیا جائے، متحدہ رہنما
غریب اور ورکنگ کلاس پر ٹیکس لگانے سے معیشت مضبوط نہیں ہوگی، سینئر رہنما ایم کیوایم، فوٹو؛ فائل
متحدہ قومی موومنٹ کے رہنما فاروق ستار کا کہنا ہے کہ آئندہ مالی سال کے بجٹ میں اگر بلاواسطہ ٹیکس میں اضافہ کیا گیا تو اس کی سخت مخالفت کی جائے گی۔
ایم کیو ایم کی جانب سے تیار کردہ شیڈو بجٹ پر بریفنگ دیتے ہوئے فاروق ستار کا کہنا تھا کہ ایم کیو ایم نے بجٹ تجاویز میں بانی پاکستان قائداعظم محمد علی جناح کے وژن کو شامل کیا ہے جس میں عوام کو مضبوط بنانے پر توجہ مرکوز کی گئی ہے جب کہ میٹرو ٹرین اور میٹرو بس کے بجائے توانائی بحران پر پہلے قابو پانے پر زور دیا گیا ہے۔ انہوں نے کہا کہ آئندہ مالی سال کے بجٹ میں اگر بلاواسطہ ٹیکس میں اضافہ کیا گیا تو اس کی سخت مخالفت کی جائے گی۔
فاروق ستار نے کہا کہ بجٹ میں قانون نافذ کرنے والے اداروں کے فنڈز میں اضافہ کیا جائے، پرتعیش اشیا کی درآمد پر پابندی، کرپشن کے خاتمے کے لیے سخت اقدامات، افغان ٹرانزٹ ٹریڈ کے غلط استعمال کے خلاف اقدامات اٹھائے جائیں۔ ایم کیو ایم رہنما کا کہنا تھا کہ بجٹ میں دیہی اور شہری علاقوں کے متوسط طبقے کو توجہ دینا ہوگی، ٹیکسوں کا نظام مساوی ہونا چاہیئے، کرپشن سے متعلق احتساب کا مؤثر نظام قائم کرنا ہوگا، اوورسیز پاکستانیوں کونظراندار کیا گیا توملک ترقی نہیں کرسکتا، غریب اور ورکنگ کلاس پر ٹیکس لگانے سے معیشت مضبوط نہیں ہوگی۔
متحدہ رہنما نے کہا کہ ملکی ترقی کے لیے سماجی ترقی میں اضافہ کرنا ہوگا اور معیشت کی ترقی میں ہر ایک پاکستانی کو شامل ہونا چاہیے، کراچی معاشی ترقی میں انجن کی حیثیت رکھتا ہے اس لیے اس شہر کو تمام قومی پالیسیوں میں شامل کیا جائے۔
ایم کیو ایم کی جانب سے تیار کردہ شیڈو بجٹ پر بریفنگ دیتے ہوئے فاروق ستار کا کہنا تھا کہ ایم کیو ایم نے بجٹ تجاویز میں بانی پاکستان قائداعظم محمد علی جناح کے وژن کو شامل کیا ہے جس میں عوام کو مضبوط بنانے پر توجہ مرکوز کی گئی ہے جب کہ میٹرو ٹرین اور میٹرو بس کے بجائے توانائی بحران پر پہلے قابو پانے پر زور دیا گیا ہے۔ انہوں نے کہا کہ آئندہ مالی سال کے بجٹ میں اگر بلاواسطہ ٹیکس میں اضافہ کیا گیا تو اس کی سخت مخالفت کی جائے گی۔
فاروق ستار نے کہا کہ بجٹ میں قانون نافذ کرنے والے اداروں کے فنڈز میں اضافہ کیا جائے، پرتعیش اشیا کی درآمد پر پابندی، کرپشن کے خاتمے کے لیے سخت اقدامات، افغان ٹرانزٹ ٹریڈ کے غلط استعمال کے خلاف اقدامات اٹھائے جائیں۔ ایم کیو ایم رہنما کا کہنا تھا کہ بجٹ میں دیہی اور شہری علاقوں کے متوسط طبقے کو توجہ دینا ہوگی، ٹیکسوں کا نظام مساوی ہونا چاہیئے، کرپشن سے متعلق احتساب کا مؤثر نظام قائم کرنا ہوگا، اوورسیز پاکستانیوں کونظراندار کیا گیا توملک ترقی نہیں کرسکتا، غریب اور ورکنگ کلاس پر ٹیکس لگانے سے معیشت مضبوط نہیں ہوگی۔
متحدہ رہنما نے کہا کہ ملکی ترقی کے لیے سماجی ترقی میں اضافہ کرنا ہوگا اور معیشت کی ترقی میں ہر ایک پاکستانی کو شامل ہونا چاہیے، کراچی معاشی ترقی میں انجن کی حیثیت رکھتا ہے اس لیے اس شہر کو تمام قومی پالیسیوں میں شامل کیا جائے۔