پنجاب یونیورسٹی نے سیکیورٹی خدشات کے پیش نظر امتحانات ملتوی کردیئے

 لاہور: پنجاب یونیورسٹی نے سیکیورٹی خدشات کے پیش نظر رواں ماہ ہونے والے امتحانات ملتوی کردیئے۔

ایکسپریس نیوز کے مطابق پنجاب یونیورسٹی نے سیکیورٹی خدشات کے پیش نظر رواں ماہ ہونے والے امتحانات ملتوی کردیئے ہیں جس کے تحت بی اے، بی ایس ای اور بی کام سمیت ایم اے پارٹ اور پارٹ ٹو کے امتحانات بھی تاحکم ثانی ملتوی کیے گئے ہیں۔ زرائع کا کہنا ہے کہ امتحانات کے لیے طلبا کی رول نمبر سلپس بھی جاری کی جا چکی ہیں تاہم امتحانات کے نئے شيڈول کا اعلان بعد میں کیا جائے گا۔