سلمان خان کا اداکارہ ہما قریشی کورمضان المبارک کا تحفہ

ویب ڈیسک  منگل 7 جون 2016
رمضان آنے والا ہے لیکن مجھے میری عیدی جلدی مل گئی جس پر سلمان خان کا شکرگزار ہوں، بالی ووڈ اداکارہ کی ٹویٹ،فوٹو: فائل

رمضان آنے والا ہے لیکن مجھے میری عیدی جلدی مل گئی جس پر سلمان خان کا شکرگزار ہوں، بالی ووڈ اداکارہ کی ٹویٹ،فوٹو: فائل

ممبئی: بالی ووڈ کے دبنگ سپر اسٹار سلمان خان نے خوبرو اداکارہ ہما قریشی کو رمضان المبارک کا تحفہ دیا ہے جس پر اداکارہ خوشی سے پھولی نہیں سما رہی ہیں۔

بالی ووڈ اسٹار سلمان خان  اپنی جاندار اداکاری کے ساتھ ساتھ دوستی کے حوالے سے بھی شہرت رکھتے ہیں یہی وجہ ہے کہ وہ مشکل وقت میں اپنے دوستوں کی مدد کے لیے تیار ہوتے ہیں جب کہ سلو میاں خاص مواقع پر اپنے دوستوں سے تحفے تحائف کا تبادلہ کرتے ہیں اور اس بار رمضان المبار ک کی آمد پر انہوں نے بالی ووڈ اداکارہ ہما قریشی کو تحفہ دیا ہے جس پر اداکارہ خوشی سے پھولے نہیں سمارہی ہیں۔

https://twitter.com/humasqureshi/status/738308229092933632

بالی ووڈ اسٹار سلمان خان نے اپنی قریبی دوست اداکارہ ہما قریشی کو رمضان المبارک کے موقع پر تحفے میں بیگ دیا ہےجس میں ان کی فلاحی تنظیم بینگ ہیومن کے نام والی شرٹ اور دیگر ملبوسات شامل ہیں جب کہ اداکارہ  سلو میاں کی جانب تحفے دینے پر خوشی سے پھولی نہیں سما رہی ہیں جس کا اظہار انہوں نے سماجی رابطے کی ویب سائٹ ٹوئٹر پر کیا ہے۔ اپنے ٹویٹ میں اداکارہ کا کہنا تھا کہ رمضان آرہا ہے لیکن مجھے میری عیدی جلدی مل گئی جس پر سلمان خان کی شکرگزار ہوں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔