ملک بھر میں آج بھی موسم شدید گرم رہا، جیکب آباد میں پارہ 51 ڈگری تک جا پہنچا

ویب ڈیسک  بدھ 8 جون 2016
ہزارہ، راولپنڈی، گجرانوالہ ڈویژن، فاٹا، اسلام آباد اور کشمیر میں گرد آلود ہواؤں کے ساتھ کہیں کہیں بارش کا بھی امکان ہے، محکمہ موسمیات۔ فوٹو:فائل

ہزارہ، راولپنڈی، گجرانوالہ ڈویژن، فاٹا، اسلام آباد اور کشمیر میں گرد آلود ہواؤں کے ساتھ کہیں کہیں بارش کا بھی امکان ہے، محکمہ موسمیات۔ فوٹو:فائل

 اسلام آباد: ملک کے بیشتر حصوں میں آج بھی موسم خشک اور شدید گرم رہا جب کہ جیکب آباد میں پارہ 51 ڈگری تک جا پہنچا۔

محکمہ موسمیات کے مطابق ملک کے بیشتر میدانی علاقوں میں آج بھی شدید گرمی کی لہر برقرار رہی، دوپہر 3 بجے ملک میں سب سے زیادہ درجہ حرارت جیکب آباد میں 51 اور شہید بے نظیر آباد میں 49 ڈگری سینٹی گریڈ ریکارڈ کیا گیا جب کہ موئن جوڈارو میں 46، سکھر اور رحیم یار خان میں 45 ڈگری سینٹی گریڈ ریکارڈ کیا گیا۔ بھکر، کوٹ ادو، اوکاڑہ اور ساہیوال میں 44، بہاول نگر، ڈی جی خان، خانپور، ملتان اور ٹوبہ ٹیک سنگھ میں 43، بہاولپور، جھنگ، جہلم، قصور، لاہور اور لیہ میں 42، فیصل آباد، گجرات، جوہر آباد، منڈی بہاؤالدین اور پشاور میں 41 جب کہ گجرانوالہ اور سیالکوٹ میں 40 ڈگری سینٹی گریڈ ریکارڈ کیا گیا۔

دوسری جانب پی ڈی ایم نے خیبر پختونخوا میں شام کے وقت طوفانی ہوائیں چلنے کا الرٹ جاری کردیا ہے، الرٹ کے مطابق پشاور، کوہاٹ، مردان، ڈی آئی خان اور ہزارہ ڈویژن میں آندھی چلنے کا امکان ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔