رنبیرآئندہ کسی بالی وڈ اداکارہ سے دوستی نہیں کرینگے

ممبئی: بالی وڈ کی وہ لڑکیاں جو اداکار رنبیر کپور سے دوستی کی خواہش رکھتی ہوں ان کے لیے ایک بری یہ ہے کہ اداکار رنبیر کپور نے سکینڈلز اور بدنامی سے بچنے کے لیے آیندہ کسی بالی وڈ اداکارہ سے دوستی نہ کرنے کا فیصلہ کیا ہے۔

ایک بھارتی اخبار کے مطابق رنبیر کپورجواس سے قبل مختلف بالی وڈ ہیروئنز سے عشق لڑانے کے حوالے سے مسلسل خبروں میں رہے ہیں۔ان کی پہلی دوستی اداکارہ سونم کپور سے رہی جو ان کی پہلی ہیروئن بھی تھیں۔جسکے بعد وہ اداکارہ دپیکا کی زلفوں کے اسیر ہوگئے یہ دوستی بھی کچھ عرصہ ہی برقرار رہی۔پھر ان کی زندگی میں کترینہ کیف آئیں دونوں کا معاشقہ کافی دیر تک چلتا رہا، بلآخر رنبیر اور کترینہ کے راستے بھی جدا ہوگئے۔

اداکار رنبیر کپور کے قریبی ذرائع کا کہنا ہے کہ وہ اب اس معاملے میں محتاط رہنا چاہتے ہیں اور اپنی سار ی توجہ اپنے کیریئرپرمرکوزرکھنا چاہتے ہیں۔