- سعودی دارالحکومت ریاض میں پہلا شراب خانہ کھول دیا گیا
- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
- اوگرا کی تیل کی قیمتیں ڈی ریگولیٹ کرنے کی تردید
- منہدم نسلہ ٹاور کے پلاٹ کو نیلام کر کے متاثرہ رہائشیوں کو پیسے دینے کا حکم
- مہنگائی کے باعث لوگ اپنے بچوں کو فروخت کرنے پر مجبور ہیں، پشاور ہائیکورٹ
- کیا عماد، عامر اور فخر کو آج موقع ملے گا؟
- سونے کی قیمتوں میں معمولی اضافہ
- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
قائم علی شاہ کی مقررہ قیمتوں پر اشیائ فراہم کرنیکی ہدایت، مختلف علاقوں کا اچانک دورہ
کراچی: وزیراعلیٰ سندھ سید قائم علی شاہ نے یکم رمضان المبارک کو شہر کے مختلف علاقوں کا اچانک دورہ کیا، انھوں نے پاکستان چوک پر حکومت کی جانب سے لگائے گئے سستے آٹے کی فراہمی کے اسٹال کے ساتھ ساتھ ایمپریس مارکیٹ صدر کا تفصیلی دورہ کیا۔
وہ ایمپریس مارکیٹ میں سبزیوں ، گوشت ، جنرل اسٹورز پھلوں ، کھجور اور دیگر دکانوں پر گئے او رمارکیٹ میں موجود صارفین سے اشیاء کی قیمتوں کے حوالے سے معلومات حاصل کیں ۔ وزیراعلیٰ نے اس موقع پر مارکیٹ میں بعض دکانوں پر پرائس لسٹ آویزاں نہ کرنے پر ان کے فوری چالان کرنے کی ہدایت کی ۔ وزیراعلیٰ نے دکانداروں سے مختلف اشیاء کی قیمتیں معلوم کیں اور انہیں سختی سے ہدایت کی کہ لوگوں کو اشیاء مقررہ نرخوں پر فراہم کی جائیں ۔
وزیراعلیٰ نے اس موقع پر ایک دو دکانوں پر غیر معیاری سبزی اور پھلوں کی موجوگی پر ان دکانوں کے فوری چالان کا حکم دیا ۔ وزیراعلیٰ اس موقع پر لوگوں سے گھل مل گئے اور ان سے ان کو درپیش مسائل معلوم کیے ، لوگوں کی بڑی تعداد اس موقع پر جمع ہوگئی اور وزیراعلیٰ کو اپنے درمیان پاکر خوشی کا اظہار کیا۔ وزیراعلیٰ نے اس موقع پرمیڈیا سے باتیں کرتے ہوئے کہا کہ حکومت نے رمضان المبارک کے مقد س مہینے میں لوگوں کو سستی اور معیاری اشیاء کی فراہمی کے لیے جامع اورمربوط اقدامات کیے ہیں ،
ہماری بھرپور کوشش ہے کہ لوگوں کو معیاری اور سستی اشیاء ملیں اور وہ رمضان المبارک کی برکات سے فیضیاب ہوں،رمضان المبارک کے احترام میں اشیاء کی قیمتیں کم ہونی چاہئیں، سستے آٹے کی فراہمی سے متعلق ایک سوال کے جواب میں وزیراعلیٰ نے کہا کہ ہم اس بات کا بغور جائزہ لیں گے کہ حکومت کی جانب سے سستے آٹے کی فراہمی کے تحت لوگوں کو سستا آٹا مل رہا ہے کہ نہیں، انھوں نے کہا کہ کل تک سستے آٹے کی فراہمی کو مزید بہتر کیا جائے نہیں تو ذمے داران کے خلاف کارروائی کی جائے گی۔
وزیراعلیٰ نے بعد ازاں گذری میں یوٹیلٹی اسٹور کا بھی دورہ کیا اور وہاں موجود لوگوں سے یوٹیلٹی اسٹور میں فروخت ہونے والی اشیاء کے بارے میں معلوم کیا ۔ وزیراعلیٰ نے یوٹیلٹی اسٹور کے ذمے داران سے کہا کہ وہ لوگوں کو اشیاء صرف کی سہل فراہمی کو یقینی بنانے کے لیے مزید موثر اقدامات کریں ۔ اس موقع پر صوبائی وزیر اطلاعات شرجیل انعام میمن ، صوبائی وزیر مکیش کمار چائولہ ، صدیق ابو بھائی ، کمشنر کراچی روشن شیخ اور دیگر متعلقہ افسران بھی ان کے ہمرا ہ تھے۔
دریںاثناء قائم علی شاہ نے آج وزیراعلیٰ ہائوس میں سندھ ریونیو بورڈ کے اجلاس کی صدارت کی ۔ اجلاس میں چیئرمین سندھ ریونیو بورڈ شکیب قریشی ، سیکریٹری خزانہ سندھ نوید کامران بلوچ ، وزیراعلیٰ کے پرنسپل سیکریٹری محمد صدیق میمن ، ممتاز شیخ ممبر سندھ ریونیو بورڈ ، مشتاق کاظمی ممبر سندھ ریونیو بورڈ ، امتیاز بارکزئی ممبر سندھ ریونیو بورڈ و دیگر نے شرکت کی ۔ وزیراعلیٰ نے سندھ ریونیو بورڈ کی کارکردگی کو سراہا اور کہا کہ گذشتہ مالی سال کے دوران 25 ارب روپے کا ٹیکس جمع کرنے کا ہدف حاصل کر لیا گیا ۔
انھوں نے کہا کہ گذشتہ سال کے ہدف میں 28 فیصد اضافی ٹیکس جمع کرنے کا ہدف سندھ ریونیو بورڈ کو دیا گیا ہے ۔ قائم علی شاہ نے کہا کہ موجودہ منتخب حکومت نے سال 2012-13 کے لیے سالانہ بجٹ میں کوئی نیا ٹیکس نہیں لگایا جبکہ حکومت عام افراد کو ریلیف فراہم کرنے کی خواہاں ہے ۔سندھ ریونیو بورڈ کے چیئرمین شکیب قریشی نے اپنی بریفنگ میں وزیراعلیٰ کا بورڈ کی کارکردگی کو سراہنے اور رہنمائی کرنے پر شکریہ ادا کیا ۔
انھوں نے وزیراعلیٰ کو یقین دلایا کہ بورڈ کی طرف سے حکومت کی پالیسیوں اور ہدایات پر مکمل طور پر عمل کیا جائے گا ۔ انھوں نے مختلف تجاویز اور مطالبات پیش کیے جن پر اجلاس میں تفصیلی غور کیا گیا ۔ انھوں نے کہا کہ نئی اسامیوں کی منظوری دی جائے تاکہ بہتر نتائج کے حصول میں آسانی ہو سکے ۔ اجلاس کو بتایا گیا کہ 170پوسٹس میں سے 100نئی پوسٹوں کی منظوری دی گئی ہے جبکہ باقی پوسٹوں کی بھی مقررہ مدت میں منظوری دی جائے گی ۔ اجلاس میں فیڈرل بورڈ آف ریونیو (ایف آر بی) سے متعلق معاملات بھی زیر غور آئے ۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔