سرگودھا میں مسلح شخص کی دھمکیوں اور پتھراؤ سے خوف وہراس کاروبار بند

پولیس نے مسلح شخص کے خلاف کوئی کارروائی نہیں کی۔ : فوٹو : ایکسپریس

---

شہر کے وسطی علاقے میں مسلح شخص کی دھمکیوں اور پتھراؤ سے تاجر اپنی دکانیں بند کرکے بھاگنے پر مجبور ہوگئے۔

ایکسپریس نیوز کے مطابق سرگوھا کے علاقے چونگی نمبر 9 میں ایک شخص سرعام اسلحے کی نمائش کرتا ہوا سڑک پر نکل آیا ۔ کلاشنکوف تھامے ہوئے شخص نے اینٹیں مار کر 3 افراد کو زخمی بھی کردیا جس سے عوام میں شدید خوف و ہراس پھیل گیا اور خوف کے عالم میں تاجر اور دوکاندار اپنی مارکیٹیں اور دکانیں بند کرکے گھروں میں محصور ہوگئے۔

ذرائع کے مطابق مسلح شخص کا تعلق علاقے کے بااثر گھرانے سے ہے اور قبضہ مافیا میں بھی شمار کیاجاتاہے۔ پولیس نے مسلح شخص کے خلاف کوئی کارروائی نہیں کی۔