سنجے دت کی بالی ووڈ میں واپسی کے لیے فلم التواکاشکار

سدھارتھ آننداسکرپٹ پر کام کررہے ہیں،ہیروئن بھی تلاش کی جارہی ہے ،پروڈیوسر

شوبز ڈیسک جمعرات 30 جون 2016

سدھارتھ آننداسکرپٹ پر کام کررہے ہیں،ہیروئن بھی تلاش کی جارہی ہے ،پروڈیوسر فوٹو:فائل

ممبئی: اداکار سنجے دت کی قید سے رہائی کے بعد پہلی فلم التوا کا شکار ہوگئی ۔

بھارتی میڈیا کے مطابق سپراسٹار سنجے دت کی 1993کے بم دھماکوں کے کیس میں جیل سے رہائی کے بعد ان کی بالی ووڈ میں واپسی کے لیے بنائی جانیوالی پہلی فلم کی شوٹنگ التوا کا شکارہوگئی ہے اور کہا جارہاہے کہ فلم کے ہدایتکار سدھارتھ آنند فلم کے اسکرپٹ پر مزید کام کرنے کے علاوہ سنجے دت کے مقابل ہیروئن بھی تلاش کررہے ہیں ۔

اس سلسلہ میں گنیش جوہر جو فلم کے پروڈیوس ہیں کا کہناہے کہ سدھارتھ آنند ابھی تک اسکرپٹ پر کام کررہیں جب کہ ہمیں سنجے دت کے ساتھ بطور ہیروئن ایک نئے چہرے کی تلاش ہے تاہم سنجے کو بالی ووڈ میں واپس لانے کا پروگرام ملتوی نہیں کیا بلکہ اس میں تھوڑی سی تاخیر ہوگئی ہے اور فلم کی شوٹنگز رواں برس کے آخر تک شروع کردی جائیں گی ۔