ایم اے شاہ نائٹ ٹرافی میں برادر کلب دادوکو شکست

ایکسپریس اردو  پير 23 جولائ 2012
 اے او کلب کامیاب، اویس رحمانی کی ففٹی، وائٹل فائیو میں یونائیٹڈ اسپورٹس فتحیاب

اے او کلب کامیاب، اویس رحمانی کی ففٹی، وائٹل فائیو میں یونائیٹڈ اسپورٹس فتحیاب

کراچی: 17 ویں ڈاکٹر ایم اے شاہ نائٹ ٹرافی رمضان کرکٹ ٹورنامنٹ میں اے اوکلینک نے برادر کلب دادو کو 7 وکٹ سے شکست دیدی، برادرکلب نے 5 وکٹ پر 174 رنز بنائے۔ نورالدین نے 55 اور شبیر سولنگی نے 39 رنز اسکور کیے۔ جنید نعیم نے 3 وکٹیں حاصل کیں۔ اے او کلینک نے ہدف با آسانی 3 وکٹ پر حاصل کرلیا۔

اویس رحمانی نے ناقابل شکست ففٹی اور طارق ہارون نے 42 ناٹ آئوٹ بنائے۔زاہد محمود نے 2 کھلاڑی آئوٹ کیے۔ دوسرے وائٹل فائیو رمضان ٹورنامنٹ میں یونائیٹڈ اسپورٹس نے دبئی اسلامک بینک کو 30 رنز سے ہرادیا۔ یونائیٹڈ اسپورٹس نے 9 وکٹ پر 155 رنز بنائے۔ عثمان نے 47 اور محمد علی نے 43 رنز بنائے۔ دبئی اسلامک بینک کی ٹیم 125 پر آئوٹ ہوگئی۔ طارق ہارون 46 رنز کے ساتھ ٹاپ اسکور رہے۔ دائود اسپورٹس نے ملاکاتیار کلب کو 57 رنز سے پچھاڑا۔

دائود اسپورٹس نے 161 رنز بنائے جس میں ذاکر ملک کے 56 رنز شامل تھے۔ واجد علی نے 3 وکٹیں لیں۔ ملاکاتیار 7 وکٹ پر 104رنز بناسکی۔ واجد علی نے 26 رنز ناٹ آئوٹ بنائے۔فرید الدین نے 3 کھلاڑی آئوٹ کیے۔27 ویںکراچی جیمخانہ رمضان ٹورنامنٹ میں میڈی کلب نے محمد حسین سی سی کو 8 وکٹ سے مات دیدی۔ محمد حسین کلب کے 105 رنز کا ہدف میڈی کلب نے با آسانی 2 وکٹ پر حاصل کرلیا۔ سلمان علی نے ناقابل شکست 59 رنز بنائے۔ کراچی جیمخانہ نے ایٹون کلب کو 5 وکٹ سے زیر کیا۔ ایٹون کلب کے 101 رنز کے جواب میں کراچی جیمخانہ نے ہدف مسعود کے ناقابل شکست 47 رنز کی بدولت 5 وکٹ پر حاصل کرلیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔