پاک بحریہ کا ایک اور جہاز پانی اور خوراک لے کر گوادر پہنچ گیا

اسلام آباد: پاک بحریہ کا جہاز پی این ایس نصر گوادر اور گرد و نواح کے مکینوں کے لیے 11ہزار ٹن پینے کا صاف پانی لے کر گوادر پورٹ پر پہنچ گیا ہے۔

علاقے میں پینے کے صاف پانی کی شدید قلت کے باعث پاک بحریہ کے سربراہ کی خصوصی ہدایت پر یہ پانی مقامی آبادی میں ضلعی انتظامیہ کے ذریعے تقسیم کیا جائے گا، آئی این پی کے مطابق پی این ایس نصر پر غذائی اشیا بھی موجود ہیں۔