رویہ بہترہونے تک عمر اکمل اور احمد شہزاد کو ٹیم میں نہیں لیا جائے گا، شہریار خان

ایکسپریس نیوز  اتوار 7 اگست 2016
انگلینڈ کے خلاف ون ڈے اسکواڈ کا اعلان آئندہ ایک دو روز میں کر دیا جائے گا، چیرمین پی سی بی۔ فوٹو: فائل

انگلینڈ کے خلاف ون ڈے اسکواڈ کا اعلان آئندہ ایک دو روز میں کر دیا جائے گا، چیرمین پی سی بی۔ فوٹو: فائل

برمنگھم: چیئرمین پی سی بی شہریار خان نے کہا ہے کہ عمر اکمل اور احمد شہزاد کے رویے کا جائزہ لے رہے ہیں، جب تک ان کے حوالے سے مطمئن نہیں ہوتے دونوں کو دوبارہ ٹیم میں نہیں لیا جائے گا۔

چیرمین پی سی بی کا کہنا ہے کہ انگلینڈ کے خلاف ون ڈے اسکواڈ کا اعلان آئندہ ایک دو روز میں کر دیا جائے گا۔ احمد شہزاد اور عمر اکمل کی ٹیم میں واپسی کے حوالے سے پوچھے گئے سوال پر شہریار خان کا کہنا تھا کہ جب تک دونوں کھلاڑیوں کو رویہ ٹھیک نہیں ہوتا تو اس وقت تک انھیں ٹیم میں شامل نہیں کیا جائے گا۔

واضح رہے کہ پی سی بی کی سلیکشن کمیٹی نے عمر اکمل اور احمد شہزاد کو ڈسپلن کی خلا ورزی کے باعث پہلے انگلینڈ کے خلاف ٹیسٹ سیریز سے باہر بٹھایا اور اب دونوں کھلاڑیوں کا ون ڈے ٹیم میں بھی شمولیت کا کوئی امکان نہیں ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔