خیبرایجنسی میں کارروائی کے دوران 14 دہشت گرد ہلاک آئی ایس پی آر

زمین و فضائی کارروائی میں 11 دہشت گرد زخمی ہوئے جب کہ دہشتگردوں کے 9 ٹھکانوں کو بھی تباہ کردیا گیا، ترجمان پاک فوج، فوٹو؛ فائل

---

خیبرایجنسی میں سیکیورٹی فورسز کی زمینی اور فضائی کارروائی کے دوران 14 دہشت گرد ہلاک اور 11 زخمی ہوگئے۔

پاک فوج کے شعبہ تعلقات عامہ (آئی ایس پی آر) کے مطابق پاک افغان بارڈر کے ساتھ خیبرایجنسی کی راجگل وادی پر پاک فضائیہ نے بمباری کی جس کے نتیجے میں دہشت گردوں کے 9 ٹھکانے تباہ ہوگئے جب کہ علاقے میں فوج کی زمینی کارروائی کے نتیجے میں 14 دہشت گرد ہلاک اور11 زخمی ہوگئے۔

Op along Pak-afgan Border in Rajgal Valley in high mountain passes in Khyber Agency.9 hide outs destroyed through aerial strikes&ground op-1

— Gen(R) Asim Saleem Bajwa (@AsimBajwaISPR) August 16, 2016

ترجمان پاک فوج کا کہنا تھا کہ کارروائی میں راجگل وادی کے مشکل علاقے میں دہشت گردوں کے ٹھکانوں کو درستگی سے نشانہ بنایا گیا جب کہ کارروائی سے دہشت گردوں کی سرحد پار آمدورفت کم ہو جائے گی۔

Large dumps/terrorist dens hit precisely.Treacherous terrain. Resolute action Will reduce cross bdr move of terrorist-2

— Gen(R) Asim Saleem Bajwa (@AsimBajwaISPR) August 16, 2016