سلمان خان اور منی ایک بار پھر فلم میں جلوہ گر ہوں گے

فلم ’’ٹیوب لائٹ‘‘ میں سلمان خان اور ننھی اداکارہ ہرشالی ملہوترا کی جوڑی ایک بار پھر ایکشن میں نظر آئے گی، فوٹو؛ فائل

---

بالی ووڈ کے دبنگ سپر اسٹار سلمان خان کی فلم ''بجرنگی بھائی جان'' کی منی ہرشالی ملہوترا ایک بار پھر ان کے ساتھ جلوہ گر ہوں گی۔

بالی ووڈ اسٹار سلمان خان اور ننھی اداکارہ ہرشالی ملہوترا کی جوڑی نے فلم ''بجرنگی بھائی جان'' میں کامیابی کے جھنڈے گاڑے تھے اور فلم نے باکس آفس پرکئی ریکارڈ اپنے نام کیے تھے جب کہ فلم میں دونوں کی اداکاری کو مداحوں کی جانب سے بے حد پسند کیا گیا تھا جس کے بعد ایک بار پھر یہ جوڑی جلوے بکھیرنے کو تیار ہے۔

بھارتی میڈیا رپورٹس کے مطابق ڈائریکٹر کبیر خان کی فلم ''ٹیوب لائٹ'' میں سلمان خان اور ننھی اداکارہ ہرشالی ملہوترا کی جوڑی ایک بار پھر ایکشن میں نظر آئے گی جب کہ ننھی اداکارہ ہرشالی ملہوترا نے سماجی رابطے کی ویب سائٹ ٹوئٹر پرفلم کے سیٹ پر سلو میاں کے ساتھ کی تصاویر پوسٹ کیں ہیں۔

Surprise surprise for everyone!!! Coming soon ....Memories revived #beingsalmankhan... https://t.co/BVtVk4d6OX pic.twitter.com/SbCEmVnDet

— Harshaali Malhotra (@Harshaali032008) August 22, 2016

واضح رہے کہ فلم ''ٹیوب لائٹ'' میں سلمان خان کے مدمقابل چینی اداکارہ ژو ژو مرکزی کردار ادا کریں گی۔