- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گذشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
متحدہ کے ذمے داران کی علما و سیاسی رہنمائوں سے ملاقاتیں
حیدرآباد / سانگھڑ / سجاول: زیریں سندھ میں بھی متحدہ قومی موومنٹ کے ذمے داران نے مختلف رہنمائوں و مذہبی رہنمائوں اور دانشوروں سے ملاقاتیں کر کے انہیں قائد تحریک الطاف حسین کے پاکستان کی سلامتی و بقاء سے متعلق فکر انگیزبیان کی کاپیاں دیں۔
حیدرآباد میں اے این پی کے سینئر نائب صدر لالہ اورنگزیب، ادیب روشن چانڈیو، بارکونسل کے سینئر ممبر فضل قادر میمن، سپاہ صحابہ کے مولانا شبیر،فاروق آزاد اور سنی تحریک کے رہنمائوں سمیت دیگر اہم شخصیات سے گفتگو کرتے ہوئے حق پر ست صوبائی وزیر زبیر احمدخان نے کہا کہ قائدالطاف حسین نے ملکی بقاء و سلامتی کیلیے ہمیشہ اہم کردار ادا کیا اور آج بھی ملک کے خلاف ہونے والی سازشوں کوبے نقاب کرنے اور پاکستانی قوم کے اتحاد کیلیے کوشاں ہیں۔انہوں نے مزید کہاکہ پاکستان کی سلامتی تمام نظریوں اور سیاست سے مقدم ہے۔
ایم کیو ایم ملک دشمن عناصر کے سامنے سیسہ پلائی دیوار ثابت ہوگی۔ متحدہ حیدرآباد کے زونل انچارج محمد شریف نے کہاکہ ملک مشکل دور سے گزر رہا ہے، پاکستان کی بقاء وسلامتی کیلیے ہمیں تمام اختلافات بھلاکر ایک قوم ہونا ہوگا۔سانگھڑ سے نامہ نگار کے مطابق پریس کلب میںصحافیوں سے گفتگو کرتے ہوئے صوبائی مشیر اور ایم کیو ایم کی اندرون سندھ تنظیمی کمیٹی کے رکن غلام حیدر رائو نے کہا کہ پاکستان کو بچانے کیلیے ضروری ہے کہ ملک وقوم کو اندرونی طور پر مضبوط و مستحکم کیا جائے، ہم موجودہ حکومت کی کارکردگی سے مطمئن نہیں ہیں لیکن عوامی مفاد میں مفاہمتی پالیسی کے تحت ساتھ ہیں،
انہوں نے کہا کہ اگر بجلی کی وزارت متحدہ قومی موومنٹ کو دے دی جائے تو 6 ماہ میں لوڈشیڈنگ کا خاتمہ کردینگے۔ انھوںنے کہا کہ قائد تحریک الطاف حسین نے پاکستان کی سلامتی و بقا پر منڈلانے والے خطرات سے آگاہ کر دیا ہے لیکن ہمارے سیاستداں اقتدار کی رسہ کشی میں مصروف ہیں۔ علاوہ ازیں سجاول میں صحافیوں سے بات چیت کرتے ہوئے متحدہ کی ایم پی اے ہیرسوہو نے کہا کہ ملک انتہائی نازک دور سے گزر رہا ہے،
ان حالات میں عوام کو آگاہی دینے کیلیے الطاف بھائی کی ہدایت پر مختلف حلقوں سے ملاقات کررہے ہیں۔ ہیر سوہو نے کہا کہ ضلع ٹھٹھہ میں کرپشن چھپانے کیلیے پانی کی قلت پیدا کی گئی ہے، ہم ذوالفقار آباد منصوبے کیخلاف نہیں، حکومت شاہ بندر کیٹی بندر جاتی کے عوام کے خدشات دور کرے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔