- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
- کراچی: ڈی آئی جی کے بیٹے کی ہوائی فائرنگ، اسلحے کی نمائش کی ویڈیوز وائرل
- انوار الحق کاکڑ، ایمل ولی بلوچستان سے بلامقابلہ سینیٹر منتخب
- جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
- کولیسٹرول قابو کرنیوالی ادویات مسوڑھوں کی بیماری میں مفید قرار
- تکلیف میں مبتلا شہری کے پیٹ سے زندہ بام مچھلی برآمد
- ماہرین کا اینڈرائیڈ صارفین کو 28 خطرناک ایپس ڈیلیٹ کرنے کا مشورہ
- اسرائیل نے امن کا پرچم لہرانے والے 2 فلسطینی نوجوانوں کو قتل کردیا
- حکومت نے آٹا برآمد کرنے کی مشروط اجازت دے دی
- سائفر کیس میں امریکی ناظم الامور کو نہ بلایا گیا نہ انکا واٹس ایپ ریکارڈ لایا گیا، وکیل عمران خان
- سندھ ہائیکورٹ میں جج اور سینئر وکیل میں تلخ جملوں کا تبادلہ
- حکومت کا ججز کے خط کے معاملے پر انکوائری کمیشن بنانے کا اعلان
- زرمبادلہ کے سرکاری ذخائر 8 ارب ڈالر کی سطح پر مستحکم
- پی ٹی آئی کا عدلیہ کی آزادی وعمران خان کی رہائی کیلیے ریلی کا اعلان
- ہائی کورٹ ججز کے خط پر چیف جسٹس کی زیرصدارت فل کورٹ اجلاس
- اسلام آباد اور خیبر پختون خوا میں زلزلے کے جھٹکے
- حافظ نعیم کی کامیابی کا نوٹیفکیشن جاری نہ کرنے پر الیکشن کمیشن کو نوٹس
- خیبر پختونخوا کے تعلیمی اداروں میں موسم بہار کی تعطیلات کا اعلان
پاکستان بھارت اچھے تعلقات یقینی بنا کر آگے بڑھ سکتے ہیں، نواز شریف
راولپنڈي: مسلم لیگ ن کے صدرنوازشریف نے کہاہے کہ خطے میں پائیدارامن کیلیے پاکستان اور بھارت کے مابین برابری کی بنیاد پر تعلقات کا فروغ ضروری ہے۔دونوں ممالک اچھے دوستانہ اور ہمسائیگی کے تعلقات کو یقینی بناکر اپنے عوام کی ترقی اور بہتری کیلیے آگے بڑھ سکتے ہیں،بھارتی ہائی کمشنرشرت سبھروال سے ملاقات میں انھوں نے پرناب مکھرجی کے صدر منتخب ہونے پر مبارکباد دیتے ہوئے کہا کہ پاکستان اور بھارت کے درمیان کرکٹ میچوں کے انعقادکیلیے پیشرفت ایک خوش آئند قدم ہے،
خطے میں امن کے ذریعے ہی ترقی کی منزل حاصل کی جاسکتی ہے۔ بھارتی ہائی کمشنر نے خطے میں قیام امن کیلیے نوازشریف کے عزم کو سراہا اورکہا کہ دونوں ملکوں کے درمیان دوستانہ تعلقات سے خطے میں عوام کے معیار زندگی میں مثبت تبدیلیاں لائی جاسکتی ہیں ، دریں اثنا ن لیگ خیبرپختونخوا کے رہنمائوں مہتاب عباسی، پیرصابر شاہ اور امیرمقام نے بھی نوازشریف سے مری میں ملاقات کی جس میں پارٹی امور سمیت مجموعی صورتحال پر تفصیلی تبادلہ خیال کیا گیا ۔ نوازشریف نے کہا کہ مسلم لیگ (ن) اصولوں کی سیاست پر کاربند رہے گی، چاہے اس کیلیے کتنی بڑی قربانی کیوں نہ دینا پڑے ۔
موجودہ حکومت کی پالیسیوں کی وجہ سے عوام کا جینا محال ہوگیا ہے۔ مسلم لیگ (ن) نے اپوزیشن کا بھرپور کردار نبھایا ہے اور اپنی کارکردگی کی بنا پر عوام سے ووٹ مانگنے جائیں گے ۔ انھوں نے کہا کہ کارکن الیکشن کی تیاری کریں کیونکہ موجودہ بحرانوں سے نجات کا واحد حل فی الفور انتخابات ہیں۔ انھوں نے کہا کہ خیبر پختونخواہ میں پارٹی کو مزید فعال بنانے کی ضرورت ہے، لوگوں کی نظریں مسلم لیگ ن پر مرکوز ہیں، انجنیئر امیر مقام نے نوازشریف کو خیبر پختونخوا کے دوروںکی دعوت دی جو انھوں نے قبول کی اور کہا کہ عید کے بعد وہ خیبر پختونخوا کے تمام ڈویژن کے تفصیلی دورے کریں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔