- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
- وزارتِ صنعت و پیداوار نے یوریا کھاد درآمد کرنے کی سفارش کردی
- ٹی20 ورلڈکپ؛ 8 بار کے اولمپک گولڈ میڈلسٹ یوسین بولٹ سفیر نامزد
- کہوٹہ؛ بس میں ڈکیتی کے دوران ڈاکو کی فائرنگ سے سرکاری اہلکار جاں بحق
- نوجوان نسل قوم کا سرمایہ
- اسلام آباد میں روٹی کی قیمت میں کمی کا نوٹیفکیشن معطل
- کیا رضوان آئرلینڈ کیخلاف سیریز میں اسکواڈ کا حصہ ہوں گے؟ بابر نے بتادیا
- ویمنز کوالیفائر؛ آئی سی سی نے ثنامیر کو ’’برانڈ ایمبیسڈر‘‘ مقرر کردیا
- پی او بی ٹرسٹ عالمی سطح پر ساڑھے 3لاکھ افراد کی بینائی ضائع ہونے سے بچا چکا ہے
سلامتی واہم معاملات پرگول میزکانفرنس بلائی جائے،ایم کیوایم
کراچی: متحدہ قومی موومنٹ کی رابطہ کمیٹی کے رکن رضا ہارون نے کہا ہے کہ ملکی سلامتی اوراہم قومی ایشوزپرباہمی مشاورت اور ملک کے مستقبل کو محفوظ بنانے کیلیے تمام سیاسی قوتوں کوچاہیے کہ وہ قائد تحریک الطاف حسین کی اپیل پرلبیک کہتے ہوئے ایک پلیٹ فارم پر جمع ہوجائیں اور اپنے اختلافات کو بالائے طاق رکھ کر صرف ملک کی ترقی کیلیے مشترکہ کوششیں کریں،
ملک کے مستقبل کو محفوظ بنانے اور قومی اہم آہنگی پیدا کرنے کیلیے ایم کیو ایم نے تمام سیاسی، مذہبی جماعتوں اور زندگی کے تمام شعبوں سے تعلق رکھنے والے افراد سے ملاقاتوں کیلیے مہم کا آغاز کر دیا ہے اور جلد ایم کیو ایم اس حوالے سے سیاسی و مذہبی قوتوں سے ملاقاتیں مکمل کرلے گی۔وہ پیر کو صدارتی کیمپ آفس بلاول ہائوس کے باہر صحافیوں سے گفتگو کر رہے تھے۔ انھوں نے کہا کہ الطاف حسین نے ملک کو درپیش چیلنجز اور خطرات سے حکومت، تمام اداروں، سیاسی قوتوں اور قوم کو آگاہ کردیا ہے،اس وقت ملک کو اندرونی اور بیرونی چیلنجز کا سامنا ہے قائد تحریک کا صرف ایک نکاتی ایجنڈا ہے وہ ایجنڈا یہ ہے کہ ملکی سلامتی، بقا اور خوشحالی کیلیے تمام سیاسی و مذہبی قوتیں ایک پلیٹ فارم پر جمع ہوجائیں،
ایم کیو ایم چاہتی ہے کہ ملکی سلامتی اوراہم معاملات پر ایک گول میزکانفرنس منعقد ہونی چاہیے،گول میزکانفرنس سے متعلق تجویزسے ہم نے صدر مملکت کو آگاہ کر دیا ہے۔ صدر زرداری نے ہماری تجویز کا خیر مقدم کیا ہے اور کہا ہے کہ حکومتی سطح پر جلد گول میز کانفرنس منعقد کی جائیگی،ہمیں کراچی میں ٹارگٹ کلنگ، بھتہ خوری اور امن و امان خراب کرنے پر تشویش ہے ، ہم نے اپنی تشویش سے صدر کو آگاہ کردیا ہے۔
صدر نے ہمیں یقین دہانی کرائی ہے کہ کراچی میں قیام امن کیلیے ہرممکن اقدامات کیے جائیں گے،رضا ہارون نے کہا کہ ایم کیو ایم چاہتی ہے کہ سندھ میں ایسا بلدیاتی نظام قائم ہو جس میں اختیارات نچلی سطح پر عوامی نمائندوں کے پاس ہوں،ہم چاہتے ہیں کہ جلد از جلد بلدیاتی انتخابات کراکر اختیارات عوام تک منتقل کیے جائیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔