- دعائیہ تقریب پر مقدمہ؛ علیمہ خان کی درخواستِ ضمانت پر فیصلہ محفوظ
- سی او او کی تقرری کا معاملہ کھٹائی میں پڑنے لگا
- ’’شاہین آفریدی نے رضوان کو ٹی20 کرکٹ کا بریڈ مین قرار دے دیا‘‘
- ’’بابراعظم کو قیادت سے ہٹانے اور پھر دوبارہ لانے کا فیصلہ بھی آئیڈیل نہیں‘‘
- والد کی جانب سے چیلنج، بیٹے نے نوٹ جوڑنے کیلئے دن رات ایک کر دیے
- مینگروو کو مائیکرو پلاسٹک آلودگی سے خطرہ لاحق
- ویڈیو کانفرنس کے دوران اپنا چہرہ دیکھنا ذہنی تکان کا سبب بنتا ہے، تحقیق
- بانی پی ٹی آئی کی اہلیہ بشریٰ بی بی کی اچانک طبیعت خراب، بنی گالہ میں طبی معائنہ
- غیر ملکی وفود کی آمد، شاہراہ فیصل سمیت کراچی کی مختلف شاہراہیں بند رہیں گی
- سندھ اور بلوچستان میں گیس و خام تیل کی پیداوار میں اضافہ
- چین کی موبائل فون کمپنی کا پاکستان میں سرمایہ کاری کا اعلان
- آرمی چیف اور ایرانی صدر کی اہم ملاقات، سرحدی سلامتی اور علاقائی امن پر تبادلہ خیال
- اب کوئی ایمنسٹی اسکیم نہیں آئے گی بلکہ لوگوں کو ٹیکس دینا ہوگا، وزیر خزانہ
- شنگھائی الیکٹرک کمپنی نے کے الیکٹرک کے حصص خریدنے کی پیشکش واپس لے لی
- بھارتی ہٹ دھرمی؛ پاکستانی زائرین امیرخسرو کے عرس میں شرکت کیلیے ویزا کے منتظر
- پاک ایران صدور کی ملاقات، غزہ کیلئے بین الاقوامی کوششیں تیز کرنے پر زور
- پاکستان اور ایران کا دہشت گرد تنظیموں پر پابندی عائد کرنے کا اصولی فیصلہ
- وساکھی میلہ اورخالصہ جنم منانے کے بعد سکھ یاتری بھارت روانہ
- تحریک انصاف کا ضمنی الیکشن میں دھاندلی کے خلاف ملک گیر احتجاج کا اعلان
- 7 اکتوبر کا حملہ روکنے میں ناکامی پر اسرائیلی انٹیلیجنس چیف مستعفی
بھارت کے کئی اضلاع میں پرتشدد واقعات،18افراد ہلاک ، فوج طلب
گوہاٹی: بھارت کی شمال مشرقی ریاست آسام کے کوکراجھار اور چرانگ اضلاع میں جاری تشدد میں مرنے والوں کی تعداد اٹھارہ تک پہنچ گئی اور ریاستی حکومت نے صورتحال پر قابو پانے کے لیے فوج کو طلب کر لیا ۔بھارتی ٹی وی نے بتایاکہ گوہاٹی اور کوکراجھار سے ملنے والی اطلاعات کے مطابق تشدد سے بچنے کے لیے صرف کوکراجھار ضلع میں چھبیس ہزار لوگوں نے ریلیف کیمپوں میں پناہ لی ہے
جبکہ ضلع میں رات کا کرفیو نافذ کر دیا گیا بتایا جاتا ہے کہ تشدد کے واقعات کوکراجھار میں اقلیتی طلبا تنظیموں کے دو رہنمائوں پر حملے کے بعد شروع ہوئے اس حملے میں آل بوڈولینڈ مائنارٹی اسٹوڈنٹس یونین کے مجیب الاسلام اور آل آسام مائنارٹی اسٹوڈنٹس یونین کے عبدالصدیق شیخ شدید زخمی ہوگئے تھے۔
اس کے بعد مبینہ طور پر انتقامی کارروائی میں بوڈو لبریشن ٹائیگرز کے چار سابق کارکنوں کو ہلاک کیا گیا اور تب سے تشدد کا سلسلہ جاری ہے۔پولیس کے مطابق چرانگ ضلع کے ہسرا بازار میں نامعلوم حملہ آوروں نے اتوار کی شام تین لوگوں کو دھاردار ہتھیاروں سے قتل کر دیا جبکہ دو لوگ منگولیاں بازار میں گولی لگنے سے ہلاک ہوئے۔یہ دونوں اضلاع بوڈو قبائلیوں کے زیرِانتظام ہیں خطے کے انسپکٹرجنرل پولیس ایس این سنگھ کے مطابق تشدد پر قابو پانے کے لیے فوج ریاستی پولیس اور نیم فوجی دستوں کی مدد کر رہی ہے۔متاثرہ علاقوں میں نیم فوجی دستوں کی چھ کمپنیاں اور دو پلاٹون بھی تعینات کی گئی ہیں۔
بھارتی خبر رساں ادارے کے مطابق ایک ہجوم نے مظاہرے کے دوران دلی گوہاٹی راجدھانی ایکسپریس ٹرین کو بھی روکا ہے لیکن مسافروں یا ٹرین کو کوئی نقصان پہنچائے جانے کی اطلاع نہیں ہے۔ تشدد نے نسلی رنگ اختیار کر رکھا ہے ایک طرف بوڈو قبائلی ہیں اور دوسری طرف وہاں باہر سے آ کر بسنے والے لوگ۔طلبا تنظیموں کا دعوی ہے کہ انتظامیہ نے بوڈولینڈ میں مقامی شرپسندوں کی جانب سے مسلمانوں کے ساتھ زیادتی کے واقعات روکنے کے لیے خاطر خواہ کارروائی نہیں کی ہے جس کی وجہ سے علاقے میں پہلے سے ہی کشیدگی تھی اور طلبا کے رہنمائوں پر حملے کے بعد صورتحال مزید بگڑ گئی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔