بینک ڈکیتی میں ملوث پولیس اہلکار 2ساتھیوں سمیت گرفتار

کراچی: انویسٹی گیشن پولیس نے گلستان جوہر کے علاقے بلاک 16جوہر چورنگی کے قریب خفیہ اطلاع پر چھاپہ مار کر بینک ڈکیتی کے الزام میں 3 ملزمان عابد ، مجید اور ارشد کو گرفتار کر کے 2 لاکھ روپے برآمد کرلیے۔

پولیس کے مطابق ملزمان نے 14نومبر کو شارع فیصل تھانے کی حدود گلستان جوہر میں واقع بینک میں اپنے ساتھیوں کے ہمراہ ڈکیتی کی واردات میں 37 لاکھ روپے لوٹے تھے، گرفتار ملزم ارشد بلدیہ تھانے میں ہیڈ کانسٹیبل تعینات ہے جبکہ دیگر 2 ملزمان نجی کمپنی میں سیکیورٹی گارڈ کی ملازمت کرتے ہیں، پولیس گروہ میں شامل دیگر ملزمان کی تلاش مار رہی ہے ۔