مصافحہ کرنے کے وہ 5 طریقے جن سے گریز کرنا چاہیے

ہم جب بھی کسی سے ہاتھ ملاتے ہیں تو یقیناً سامنے والے شخص کے تاثرکو پہچان نہیں پاتے کہ اس کو ہمارا ہاتھ ملانے کا انداز اچھا بھی لگا یا نہیں لیکن مصافحہ کرنے کے وہ 5 طریقے جن سے ہمیں ہمیشہ گریز کرنا چاہیے۔

ہم جب بھی کسی سے ملتے ہیں توسب سے پہلے مصافحہ کرتے ہیں تو یہ نہ صرف کسی بھی مہذب معاشرے کی اخلاقی اقدار ہوتی ہیں بلکہ کسی بھی انسان کی شخصیت کا آئینہ دار بھی ہوتاہے لہذا ہم جب بھی کسی سے ملیں تو انتہائی اخلاق کے ساتھ مصافحہ کرنا چاہیے لیکن عام طور پر لوگ ہاتھ ملاتے ہوئے چند غلطیاں کرجاتے ہیں جو یقیناً سامنے والے شخص کو ناگوار گزرتی ہیں۔ اسی وجہ سے جب بھی کسی سے مصافحہ کریں تو ان 5 طریقوں سے ہاتھ ملانے سے گریز کریں۔

بد دلی سے ہاتھ ملانا،(Dead Fish Hand Shake) ؛

یہ ہاتھ ملانے کا انتہائی برا طریقہ سمجھا جاتا ہے، یعنی آپ کسی سے ہاتھ انتہائی بیزارگی اور بد دلی سے ملارہے ہیں اور بعض اوقات یہ اس بات کی بھی ظاہر کرتا ہے کہ آپ نروس ہیں یا خود اعتمادی کی کمی کا شکار ہیں۔

پسینے والے ہاتھ سے مصافحہ،(Sweaty Handshake) ؛

بہت سے لوگ کسی سے بھی ملنے سے پہلے گھبراجاتے ہیں اور ان کا نروس سسٹم اچھی طرح سے کام نہیں کرتا جس کے باعث ان کی ہتھلیوں میں پسینہ آجا تا جو کسی سے بھی ہاتھ ملاتے وقت انتہائی برا تاثر قائم کرتا ہے۔

کسی مقصد کے ساتھ مصافحہ کرنا، (Political Handshake)؛

عام طور پر یہ اصطلاح صرف دکھاوے کے لیے گرم جوشی ظاہر کرنے کے لیے کی جاتی ہے اس کا مطلب یہ ہے کہ آپ کسی شخص سے صرف کسی مقصد کے لیے ہاتھ ملارہے ہیں۔

  ہاتھ دباکر مصافحہ کرنا (Bone Crusher)؛

بعض افراد کی عادت ہوتی ہے کہ جب بھی وہ کسی سے ہاتھ ملاتے ہیں تو اتنی سختی سے ملاتے ہیں کہ ان کے ہاتھ پر نشان پڑجاتے ہیں لہذا جب بھی کسی سے مصافحہ کریں تو ہاتھ اتنی زور سے نہ دبائیں کہ انہیں تکلیف ہو۔

مصافحہ کرتے وقت ہاتھ کا بوسہ لینا(وکٹورین ہینڈ شیک)

اس طرح کا مصافحہ کرتے ہوئے لوگ عام طور پر ہاتھ کا بوسہ لیتے ہیں، یہ طریقہ کسی بھی شخص کو عزت بخشنے کے لیے استعمال کیا جاتا ہے۔ ہاتھ ملانے کا یہ طریقہ بادشاہوں اور مہاراجاؤں کے زمانے میں کافی عام ہوا کرتا تھا۔