- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
خان پور میں الم ناک سانحہ
ٹریفک حادثات کی شرح میں پاکستان میں انتہائی خطرناک حدتک اضافہ ہوتا جا رہا ہے ۔ٹریفک حادثات کے اعدادوشمار دیکھیں تو رونگھٹے کھڑے ہوجائیں ۔ تازہ ترین المناک سانحہ جنوبی پنجاب کے ضلع رحیم یار خان کے خان پورکے علاقہ دھریجہ نگرکے قریب 2 بسوں میں ہولناک تصادم کی صورت میں پیش آیا ہے، ستائیس قیمتی جانیں گئیں اور پچاس افراد زخمی ہوگئے، وجہ حادثے کی وہی روایتی تھی یعنی تیز رفتاری، دونوں بسوں کے ڈرائیورموقعے پر ہلاک ہوگئے، کنڈیکٹرز محفوظ رہے۔
نہ یہ پہلا سانحہ اور نہ آخری۔ ٹریفک قوانین موجود، لیکن ان پر کوئی عمل نہیں کرتا۔ کراچی، لاہور، اسلام آباد ، فیصل آباد، ملتان ، حیدرآباد ،کوئٹہ ، پشاور تو بڑے شہر ہیں، چھوٹے قصبوں اور دیہات تک ٹریفک حادثات سے محفوظ نہیں۔کراچی کے حوالے سے کل کی خبریں دیکھیے تیزرفتار ٹریلر اورٹرک نے تین موٹر سائیکل سوارکچل دیے۔نیوسبزی منڈی میں ٹریلرکی ٹکر سے تین موٹرسائیکل کچلے گئے دوجان سے گئے اور تیسرا معجزانہ طور پر محفوظ رہا، ٹریلر ڈرائیور موقعے سے فرار ہوگیا۔
راشد منہاس روڈ پر تیزرفتار ٹرک کی ٹکر سے موٹرسائیکل سوار شخص جاں بحق ہوگیا ۔ جب شہر میں دن کے اوقات میں ہیوی ٹریفک کے داخلے پر پابندی ہے تو پھر شہر میں قاتل ٹرک اور ٹریلر ڈرائیور کیوں دندناتے پھرتے ہیں۔سماجی اور حکومتی سطح پر ٹریفک قوانین کے احترام کے حوالے سے معاشرے میں شعور وآگہی پیدا کرنے کی اشد ضرورت ہے، جبتک ہم اخبارات، الیکٹرانک میڈیا کی مدد سے عوام میں شعور بیدار نہیں کریں گے، اس وقت یہ حادثات کا تسلسل جاری رہے گا، سڑکیں مقتل بنیں رہیں گی اور اپنی پیاس انسانی خون سے بجھاتی رہیں گی۔
ٹریفک قوانین پر عمل کرنے والی قومیں مہذب اور تہذیب یافتہ کہلاتی ہیں۔ ٹریفک قوانین کی پاسداری بحیثیت قوم ہم جب تک نہیں کریں، ہماری حالت نہیں بدلے گی، اور انسانی جانوں سے کھیلنے والے افراد کو سخت ترین سزائیں نہیں دی جائیں گی اس وقت تک ان حادثات پر قابو نہیں پایا جاسکے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔