- ملیر میں ڈکیتی مزاحمت پر خاتون قتل، شہریوں کے تشدد سے ڈاکو بھی ہلاک
- افغانستان میں طوفانی بارش سے ہلاکتوں کی تعداد 70 ہوگئی
- فوج نے جنرل (ر) فیض حمید کیخلاف الزامات پر انکوائری کمیٹی بنادی
- ٹی 20 ورلڈ کپ: ویرات کوہلی کو بھارتی اسکواڈ میں شامل کرنے کا فیصلہ
- کراچی میں ڈاکو راج؛ جماعت اسلامی کا ایس ایس پی آفسز پر احتجاج کا اعلان
- کراچی؛ سابق ایس ایچ او اور ہیڈ محرر 3 روزہ ریمانڈ پر پولیس کے حوالے
- شمالی وزیرستان میں پاک-افغان سرحد پر دراندازی کی کوشش کرنے والے7دہشت گرد ہلاک
- کیا یواے ای میں ریکارڈ توڑ بارش ’’کلاؤڈ سیڈنگ‘‘ کی وجہ سے ہوئی؟ حکام کی وضاحت
- اسلام آباد میں غیرملکی شہری کو گاڑی میں لوٹ لیا گیا
- بیلف اعظم سواتی کو ایف آئی اے سائبر کرائم سے برآمد کراکے پیش کرے، عدالت
- بلوچستان کے مختلف اضلاع میں طوفانی بارش کا سلسلہ جاری، ندی نالوں میں طغیانی
- قومی ٹیم میں تمام کھلاڑی پرفارمنس کی بنیاد پر آتے ہیں، بابراعظم
- فوج کی کسی شخصیت کا نام لینا اور ادارے کا نام لینا علیحدہ باتیں ہیں، بیرسٹر گوہر
- قائد اعظم یونیورسٹی شعبہ جاتی کارکردگی میں عالمی سطح پر بہترین جامعات میں شامل
- سابق ٹیسٹ کپتان سعید انور جعلی سوشل میڈیا اکاؤنٹ سے پریشان
- کنگنا رناوت کی بکواس کا جواب دینا ضروری نہیں سمجھتی؛ پریانکا گاندھی
- سائفر کیس میں وزارتِ خارجہ کے بجائے داخلہ مدعی کیوں بنی، چیف جسٹس اسلام آباد ہائیکورٹ
- اسٹاک مارکیٹ میں مندی کا رجحان، انڈیکس 70 ہزار 333 پوائنٹس پر بند
- 19 ویں صدی کے قلعہ سے 100 برس پُرانی برطانوی ٹرین کار دریافت
- وزن کم کرنیوالی ادویات اور خودکشی کے خیالات میں تعلق کے متعلق اہم انکشاف
کاربن ڈائی آکسائیڈ کو ایندھن میں بدلنے کا طریقہ دریافت
ٹینیسی: امریکی ماہرین نے فضا میں موجود کاربن ڈائی آکسائیڈ کو براہِ راست ایندھن میں تبدیل کرنے کا ایک آسان طریقہ دریافت کرلیا ہے۔
’’کیمسٹری سلیکٹ‘‘ نامی ریسرچ جرنل میں شائع شدہ رپورٹ کے مطابق، اس طریقے کے تحت صرف ایک عمل انگیز (کیٹالسٹ) استعمال کرتے ہوئے کاربن ڈائی آکسائیڈ کو ’’ایتھانول‘‘ (ethanol) نامی ایندھن میں کامیابی سے تبدیل کیا گیا ہے۔
امریکی محکمہ توانائی کی اوک رِج نیشنل لیبارٹری میں ڈاکٹر یانگ سونگ کی سربراہی میں ماہرین کی ٹیم نے یہ عمل انگیز تیار کیا ہے جو کاربن، کاپر (تانبے) کے نینومیٹر جسامت والے ذرات (کاپر نینو پارٹیکلز) اور نائٹروجن پر مشتمل ہے۔ تجربات کے دوران سب سے پہلے پانی میں کاربن ڈائی آکسائیڈ حل کرنے کے ساتھ ساتھ مذکورہ عمل انگیز اس محلول میں شامل کردیا گیا۔
اس کے بعد جب اس پورے آمیزے میں سے صرف 1.2 وولٹ پر بجلی گزاری گئی تو عمل انگیز نے بڑی خوبی سے کاربن ڈائی آکسائیڈ کو براہِ راست ایتھانول میں تبدیل کردیا۔ ماہرین کا کہنا ہے کہ اس عمل انگیز کی کارکردگی 63 فیصد رہی؛ جو تجرباتی پیمانے کے اعتبار سے زبردست ہے۔
اگرچہ اس سے پہلے بھی کاربن ڈائی آکسائیڈ کو ایتھانول یا دیگر اقسام کے ایندھنوں میں تبدیل کرنے کی کامیاب کوششیں کی جاچکی ہیں لیکن ان سب میں ایک سے زیادہ عمل انگیز درکار تھے جبکہ ان کی کارکردگی بھی کاربن، کاپر اور نائٹروجن پر مشتمل مذکورہ عمل انگیز کے مقابلے میں بہت کم تھی۔
سائنسدان اس کامیابی پر بہت خوش ہیں کیونکہ اس طرح فضا میں مسلسل بڑھتی ہوئی کاربن ڈائی آکسائیڈ کو کم کرتے ہوئے ماحولیاتی آلودگی اور عالمی تپش جیسے مسائل پر قابو پانے میں مدد ملے گی؛ جبکہ ایندھن کی ضروریات پوری کرنے میں بھی افاقہ ہوگا۔
واضح رہے کہ امریکی حکومت کا منصوبہ یہ ہے کہ آئندہ چند سال پیٹرول (گیسولین) کا استعمال بتدریج کم کیا جائے اور اس کی جگہ ایتھانول ایندھن کا استعمال 12 فیصد تک پہنچایا جائے۔
یہ دریافت اس ہدف کو جلد از جلد حاصل کرنے میں مفید ثابت ہوگی جس سے وہ دوسرے ممالک بھی مستفید ہوسکیں گے جو عالمی منڈی میں تیل کی بڑھتی ہوئی قیمتوں سے پریشان ہیں اور متبادل ایندھن کی تلاش میں ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔