تحریک انصاف دھرنے کے مقام پرعارضی بستی قائم کرے گی

کراچی: پاکستان تحریک انصاف وفاقی حکومت کے خلاف 2نومبر کو دھرنے کے  مقام پرعارضی بستی یاٹینٹ ہاوس قائم کرے گی، اس بستی میں کھانے پینے کی اشیا اور ہنگامی طبی سہولتوں سمیت ضروریات زندگی کاسامان رکھاجائے گا۔

دھرنے میں آئے ہوئے شرکاکی رہائش کے لیے اس بستی میں موسم سرما سے بچاؤ کے لیے بھی خاص انتظامات کیے جائیں گے تاکہ لوگ موسم کی تبدیلی کے سبب بیمار ہونے سے بچ سکیں۔

پی ٹی آئی کے ذرائع کے مطابق پارٹی قیادت نے دھرنے کے شرکا سے بھی درخواست کی ہے کہ وہ اپنی ضروریات کا سامان بھی احتیاطاً اپنے ہمراہ لے کر آئیں۔