صدرزرداری بینظیرکی برسی پرانتخابی روڈمیپ کا اعلان کرینگے

اسلام آباد: صدرمملکت اور شریک چیئرمین پیپلزپارٹی آصف زرداری بینظیر بھٹو شہید کی 27 دسمبرکوبرسی کے موقع پرایک بڑے عوامی اجتماع سے خطاب کے دوران عام انتخابات اورنگراں سیٹ اپ کے روڈمیپ کااعلان کرینگے۔

صدرکے قریبی ذرائع نے ’’ایکسپریس‘‘کو بتایاکہ صدر زرداری پیپلزپارٹی اوراتحادی جماعتوں کے مرکزی قائدین کیساتھ اس سلسلے میں مشاورت مکمل کرچکے ہیں۔

صدر عام انتخابات کے التوا، اسمبلیوں کی مدت میں اضافے اور نگراں سیٹ اپ سے متعلق پھیلائی گئی قیاس آرائیوں کے تناظرمیں مجوزہ روڈمیپ عوام کے سامنے رکھیں گے۔ پیپلزپارٹی کے ایک سرکردہ رہنما نے کہا کہ صدر کی طرف سے انتخابات کے انعقادکے بارے میں واضح اعلان کے بعد یہ قیاس آرائیاں دم توڑ جائیں گی۔