ایل پی جی کی قیمت میں 10 روپے فی کلو اضافہ کردیا گیا

اسلام آ باد: ایل پی جی کی فی کلو قیمت میں 10 روپے کا اضافہ کر دیا گیا جس کے بعد گھریلو سلنڈر کی قیمت 100 روپے بڑھ گئی۔ 

ایل پی جی ڈسٹری بیوشن کمپنی کے چیئرمین عرفان کھرکھر نے کہا کہ مارکیٹنگ کمپنیوں نے دسمبر میں ایل پی جی کی قیمت میں پانچویں مرتبہ اضافہ کیا ہے جس کے باعث گھریلو سلنڈر کی قیمت میں 100 اور کمرشل سلنڈر کی قیمت میں 400 روپے کا اضافہ ہوگیا ہے۔قیمت میں اضافے کے بعد گلگت میں ایل پی جی کی فی کلوقیمت 225 ، کاغان میں 210، لاہور اور گوجرانوالہ میں 160اورکراچی میں 150 روپے ہو گئی ہے۔

عرفان کھوکھر کا کہنا ہے کہاایل پی جی کی  قیمتوں میں فوری طورپرکمی کی  جائے ورنہ ڈسٹری بیوٹرز ایل پی جی کی فراہمی بند کر دیں گے۔

واضح رہے کہ اوگرا نے ایل پی جی کی قیمت 125 روپے فی کلو مقرر کی تھی۔