آج کا دن کیسا رہے گا

عائشہ شریف صابری  جمعرات 27 جولائ 2017
فوٹو: فائل

فوٹو: فائل

حمل:
21مارچ تا21اپریل

اپنی چھپی ہوئی صلاحیتوں سے حالات کو سنوارنے کی کوشش کیجیے اگر حسب سابق جذباتی بن کر احمقانہ اقدامات کرتے رہے تو پھر ہر راہ کانٹوں سے پر ہو سکتی ہے۔

ثور:
22اپریل تا20مئی

مخالفت کو مزید ہوا نہ دیں یہ تو جنگل کی آگ ہے اگر بھڑک اٹھی تو سب کچھ اپنی لپیٹ میں لے سکتا ہے، لہٰذا اگر کوئی مخالف صلح کرنا چاہے تو بھی اسے مایوس نہ کیجیے کیونکہ اسی میں آپ کی بھلائی چھپی ہے۔

جوزا:
21مئی تا21جون

یہ عرصہ آپ کے لیے بہتر کارکردگی کا ذریعہ ثابت ہو سکتا ہے، بہتر نتائج کے لیے زیادہ محنت کیجیے مخالفین کی سازشوں سے ہرگز نہ گھبرائیں، بفضل خدا آپ شر سے محفوظ رہ سکتے ہیں۔

سرطان:
22جون تا23جولائی

بعض اوقات بہت ساری دیکھی بھالی چیزیں بھی دھوکہ دے جاتی ہیں اور پھر یہ بھی تو ہو سکتا ہے کہ آپ کے مخالف کے پاس بھی اتنی ہی صلاحیتیں ہوں جتنی کہ آپ کے پاس ہیں۔

اسد:
24جولائی تا23اگست

آپ بہت ہی باصلاحیت اور حوصلہ مند افراد ہیں کیونکہ آپ نے گزشتہ چند عرصہ سے جن پریشانیوں کا سامنا کیا ہے وہ ایسی نہیں ہیں کہ انھیں فراموش کیا جا سکے، آپ کی جگہ کوئی دوسرا ہوتا تو کبھی کا ہمت ہار جاتا۔

سنبلہ:
24اگست تا23ستمبر

موجودہ کاروبار ترقی کر سکتا ہے، نیا کاروبار نہ کریں، کاروباری اسکیمیں نتیجہ خیز ثابت ہو سکتی ہیں، کاروباری اسکیمیں کامیاب ہو سکتی ہیں حصول جائیداد کا امکان ہے۔

میزان:
24ستمبر تا23اکتوبر

دماغ پر فضول خیالات کا غلبہ رہے گا، سفر شوق سے کیجیے نتائج خوشگوار ہو سکتے ہیں، کاروباری اسکیموں کو شوق سے عملی شکل دیجیے، نتائج شاندار برآمد ہو سکتے ہیں، بسلسلہ تعلیم حسب منشاء کامیابی ہو سکتی ہے۔

عقرب:
24اکتوبر تا22نومبر

گھریلو ماحول خوشگوار رہے گا، انشاء اللہ مایوسی نہیں ہو سکتی ہے، آپ کے جملہ حالات تسلی بخش رہیں گے، کوئی دوست آپ کو بدنام کرنے کی کوشش کر سکتا ہے لہٰذا آپ محتاط رہنے کی کوشش کیجیے۔

قوس:
23نومبر تا22دسمبر

اپنے اخراجات بھی گھٹانے کی کوشش کیجیے تاکہ کسی کا مقروض نہ ہونا پڑے، گھریلو ماحول خوشگوار ہی رہے گا لیکن اپنے دوستوں کی گھر میں آمدورفت بند کر دیجیے ورنہ ناکامی کا سامنا کرنا پڑ سکتا ہے۔

جدی:
23دسمبر تا20جنوری

من پسند فرد کے ساتھ شادی کا امکان ہے، ملازمت سے وابستہ افراد کی ترقی کے امکانات ہیں لیکن آپ متذکرہ عرصے کے دوران بسلسلہ فرائض وغیرہ لاپروائی کا مظاہرہ ہرگز نہ کریں۔

دلو:
21جنوری تا19فروری

آپ کا کوئی جذباتی فیصلہ آپ کے ہمدردوں کی تعداد بہت کم کر سکتا ہے۔ مذہبی امور میں دلچسپی کم ہو سکتی ہے۔اخراجات کی رفتار خاصی تیز ہو سکتی ہے ۔مقدمہ بازی سے گریز کریں۔
ں۔

حوت:
20فروری تا20مارچ

عزیزوں کے ساتھ بھی آپ کا سلوک عجیب و غریب ہو سکتا ہے، تعلیمی سلسلے میں کامیابی ہو سکتی ہے، اپنے دوستوں پر زیادہ بھروسہ ہرگز نہ کیجیے، کوئی دیرینہ آرزو پوری ہو سکتی ہے۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔