- جسٹس بابر ستار پر الزامات ہیں تو کلیئر کریں، فیصل واوڈا
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
پاکستان ایروناٹیکل کمپلکس کراچی چیمبرکے ساتھ کام کریگا
کراچی: پاکستان ایروناٹیکل ( پی اے سی) کمپلکس کے چیئرمین ایئر مارشل ارشد ملک نے باہمی تعاون سے مواقع کی تلاش اور آئیڈیازکے تبادلوں کے لیے پی اے سی اور کے سی سی آئی کے نمائندوں پرمشتمل کمیٹی کے قیام کا اعلان کردیا ہے۔
یہ بات انہوں نے کراچی چیمبرآف کامرس میں منعقدہ سیمینارسے خطاب میں کہی۔ انہوں نے پی اے سی کے ایئر وائس مارشل فواد یونس کا کمیٹی کیلیے نام دیتے ہوئے کہاکہ مزید2 افسران بھی اس کا حصہ ہوں گے جبکہ سراج قاسم تیلی نے کراچی چیمبر سے میاں ابرار احمدکانام تجویزکرتے ہوئے کہا کہ چیمبر کے دیگر 4 سے5 ممبران چیمبرکی نمائندگی کریں گے۔ ایئرمارشل ارشد ملک نے سرحد پر جاری کشیدگی کا حوالہ دیتے ہوئے کہاکہ وہ اچھی طرح واقف ہیں کہ سرحد پر کیا ہو رہا ہے اور اگر بدقسمتی سے صورتحال مزید خراب ہوئی تو وہ جانتے ہیں کہ انہیں کیا کرنا ہے، تاجربرادری پرسکون اور محفوظ ماحول میں اپنا کاروبار جاری رکھے۔ انہوں نے کہاکہ پاکستان ایئر فورس شاندار اندا زمیں کام کررہی ہے اور پی اے سی کامرہ وقتاً فوقتاً جدید ٹیکنالوجی سے ہم آہنگ ہوتا رہاہے، ہم دنیا کی واحد ایئر فورس ہیں جو فائٹر ایئرکرافٹس کو ڈیزائن، پیدا اور برآمد کرتے ہیں۔
انہوں نے حال ہی میں ترکش ایئرفورس کے ساتھ ہونے والے سودے کا ذکر کرتے ہوئے کہاکہ ترکی نے پی اے سی کے دیسی ساختہ سپر مشاق کا انتخاب برادرانہ تعلقات کی بنا پر نہیں بلکہ امریکا، یونان اور جرمنی جیسے حریف ممالک کے مقابلے میں میرٹ کی بنیاد پر کیا، ہمارے پاس ٹیکنالوجی کے لحاظ سے بہت صلاحیت موجود ہے اور ہمیں یہ بھی معلوم ہے کہ کس طرح اس سے فائدہ اٹھایا جائے اور اس کا استعمال کیاجائے۔
انہوں نے تاجر وصنعتکار برادری سے مدد طلب کرتے ہوئے کہاکہ ہماری نظر آپ کی جیبوں پر نہیںبلکہ کراچی کی تاجر و صنعتکار برادری کی کاروباری صلاحیتوں پر ہے، ہم چاہتے ہیں کہ نجی شعبہ آگے آئے، ساتھ کام کرے اور ذمے داریاں سنبھالے، ہمیں ایک دوسرے کے خیالات، مشوروں سے سیکھنا چاہیے اور ہم آپ کو یقین دلاتے ہیں کہ کے سی سی آئی کی جانب سے تمام تر تجاویز کو پی اے سی مثبت انداز میں لے گا۔ اس موقع پر بزنس مین گروپ کے چیئرمین سراج قاسم تیلی نے کراچی چیمبر اور پی اے سی کامرہ کے مابین ایک نظام قائم کرنے پر زور دیا تاکہ دونوںادارے باہمی تعاون کو بڑھانے پر توجہ دے سکیں۔
انہوں نے کے سی سی آئی اور پی اے سی کی کمیٹی کے قیام کی ضرورت پر زور دیتے ہوئے کہاکہ کمیٹی کو کے سی سی آئی کی جانب سے سابق صدر میاںابرار احمد سربراہی کریں گے جس میں 4 سے 5 ممبران بھی شامل ہوں گے۔ کراچی چیمبرکے صدر شمیم احمد فرپو نے کہاکہ اس سے دونوں اداروں کو ایک دوسرے کے زیادہ قریب آنے کے ساتھ ساتھ قومی ایوی ایشن انڈسٹری کی ترقی کیلیے مؤثر انداز میں مشترکہ کوششیں کرتے ہوئے مواقع تلاش کرنے میں مدد ملے گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔