صدر میں فائرنگ سے ای این پی کے رہنما کے بھائی جاں بحق

ویب ڈیسک  جمعـء 21 دسمبر 2012
عوامی نيشنل پارٹی کے جوائنٹ سیکرٹری پر کار سوار حملہ آوروں نے فائرنگ کی جس کے نتیجے میں وہ جاں بحق ہو گئے۔ فوٹو: فائل

عوامی نيشنل پارٹی کے جوائنٹ سیکرٹری پر کار سوار حملہ آوروں نے فائرنگ کی جس کے نتیجے میں وہ جاں بحق ہو گئے۔ فوٹو: فائل

کراچی: صدر میں اے این پی سندھ کے مقامی رہنما کے بھائی سمیت دو افراد کو قتل کردیا گیا جس کے بعد علاقے کی صورت حال کشیدہ ہوگئی۔

ایکسپریس نیوز کے مطابق نامعلوم حملہ آوروں نےاے این پی سندھ کے مقامی رہنما کے بھائی رمضان کاکڑپرفائرنگ کردی جس سے وہ موقع پر ہی جاں بحق ہو گئے، فائرنگ کی زد میں آکرایک راہ گیر بھی جاں بحق ہوا۔

حملہ آور فائرنگ کر کے فرار ہو رہے تھے کہ جوابی کارروائی میں ایک حملہ آور مارا گیا جبکہ علاقہ مکینوں اور رینجرز اہلکاروں نے ایک حملہ آور کو گرفتار کر لیا۔ ملزموں کی گاڑی اورایک سب مشین گن بھی قبضےمیں لے لی گئی، فائرنگ کے نتیجے میں دو پولیس اہلکاروں سمیت چار افرادزخمی بھی ہوئے۔ 

فائرنگ کے واقعے کے بعد نامعلوم افراد نے ہنگامہ آرائی شروع کر دی اور ہوائی فائرنگ کر کے صدر میں دکانیں بند کرا دیں، علاقے میں لوگ خواف و ہراس کا شکار ہو گئے۔ مشتعل افراد نے صدر میں 2 موٹرسائیکلوں کو بھی آگ لگا دی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔