عراق: سی ڈی شاپ میں بم دھماکا،4 افراد ہلاک،11 زخمی

بغداد: عراق میں سی ڈی فروخت کرنے والی دکان میں بم دھماکے کے  نتیجے میں4افراد ہلاک اور متعدد زخمی ہوگئے۔

عراقی میڈیا کے مطابق حکام نے بتایا کہ واقعہ دارالحکومت بغداد کے شمال مشرق میں قزقنہ کے قصبے میں پیش آیا۔

بم کو پلاسٹک کی تھیلی میں چھپایا گیاتھا۔ دھماکے سے11  افراد زخمی بھی ہو ئے۔ ابھی تک کسی تنظیم یا گروپ نے اس دھماکے کی ذمے داری قبول نہیں کی ہے۔