- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
نئے سال پر بعض ممالک میں ہونے والی دلچسپ رسومات
لندن: نئے سال کا سورج زمین پر نئی امنگوں اور جذبات کے ساتھ طلوع ہوتا ہے اور لوگوں کی اکثریت نئے سال کی منصوبہ بندی کرتی ہے لیکن دنیا بھر میں کئی ممالک ایسے بھی ہیں جہاں نئے سال سے جڑی کچھ رسومات اور توہمات پر بھی عمل کیا جاتا ہے جب کہ دلچسپ بات یہ ہے کہ ان میں ترقی یافتہ ممالک بھی شامل ہیں۔
ایکواڈور: پتلا نذر آتش
ایکواڈور کے لوگ نئے سال کی رات کی درمیانی پہر اپنے گھروں سے نکل آتے ہیں اور ایک پتلے کو آگ لگاتے ہیں۔ ان کا خیال ہے کہ اس طرح گزشتہ سال کی ساری تلخ یادیں اور نئے سال کے آسیب جل کر ختم ہوجاتے ہیں۔
لاطینی امریکا: خالی سوٹ کیس
لاطینی امریکا کے کئی ممالک میں نئے سال کی رات کو لوگ گھر کے کونے یا دروازے پر خالی سوٹ کیس رکھ دیتے ہیں۔ بعض دفعہ سوٹ کیس کو گھر میں گھمایا بھی جاتا ہے۔ اس کا مقصد یہ ہے کہ نئے سال پر سفر اور رزق کے مواقع ملیں گے۔
اسپین:نئے سال کی رات 12 انگور کھائے جاتے ہیں
اسپین اور لاطینی امریکا کے بعض مقامات پر لوگ اس وقت تک انگور کھاتے رہتے ہیں یہاں تک کہ جب گھڑی یکم جنوری کو ظاہر کرتی ہے۔ بعض لوگ نیا سال شروع ہونے سے 12 گھنٹے میں ہر گھنٹے ایک انگور کھاتے ہیں تاکہ اگلے 12 ماہ خوراک اور خوشبختی ان کے ساتھ شامل رہے۔
بیلاروس: مرغ سے شادی کی پیشگوئی
بیلاروس میں کنواری لڑکیاں ایک دائرے میں بیٹھ جاتی ہیں اور ہر لڑکی اپنے سامنے مکئی کے کچھ دانوں کا ڈھیر بناتی ہے۔ اس کے بعد ایک مرغ کو دائرے میں لایا جاتا ہے اور جس لڑکی کے سامنے سے وہ مکئی چگتا ہے اس کے بارے میں کہا جاتا ہے کہ اس سال وہ دُلہن بن جائے گی۔
چین: گھر کی انوکھی صفائی
نئے چینی سال کو ’’جشنِ بہاراں‘‘ بھی کہا جاتا ہے تو جو شمسی اور قمری کیلنڈر کے لحاظ سے ہوتا ہے۔ اس کی تقاریب جنوری کے آخر اور فروری کے وسط کسی موقع پر شروع ہوتی ہیں۔ اس کے لیے چینی دیوار کے اوپری حصے سے لے کر نیچے تک گھر کو صاف کرتے ہیں لیکن جمع ہونے والی گرد کو گھر کے پچھلے دروازے سے باہر پھینکا جاتا ہے۔
ڈنمارک : ٹوٹے برتن پڑوس کے گھر پر
ڈنمارک میں نئے سال کے موقع پر پڑوسی باہمی رضامندی سے ایک دوسرے کے گھر ٹوٹی ہوئی پلیٹیں اور برتن پھینکتے ہیں۔ اس کا مقصد بھی خوش بختی ہوتا ہے۔
رومانیہ: ریچھ کی کھال میں رقص
رومانیہ کے دیہاتوں میں لوگ ریچھوں کی کھال پہن کر رقص کرتے ہیں تاکہ بد بختی اور نحوست دور بھاگ جائے۔ یہ رسم ہر سال کرسمس اور نئے سال کے درمیان کسی وقت کی جاتی ہے۔
جنوبی افریقہ: فرنیچر کھڑکی سے باہر
جوہانسبرگ میں ہر سال لوگ اپنا فرنیچر گھر سے باہر پھینک دیتے ہیں۔ خاص طور پر ہل برو کے لوگ کئی منزل کی بلندی سے بھی فرنیچر کو نیچے پھینک دیتے ہیں۔ اس سے کئی لوگ زخمی ہوتے ہیں اور ہرسال پولیس اور امدادی اداروں کو طلب کرنا پڑتا ہے۔
ایسٹونیا: 7 مرتبہ کھانا
ایسٹونیا والے سال کے آخری دن ایک دو مرتبہ نہیں بلکہ 7 سے 12 مرتبہ کھانا کھاتے ہیں اگرچہ تھوڑا تھوڑا ہی سہی۔ اس کا مطلب ہے کہ پورے سال رزق کی فراوانی رہے گی اور خوشحالی آئے گی۔
برازیل: سمندر میں سفید پھول اور تحفے
بہت سے برازیلیوں کا عقیدہ ہے کہ اگر سمندر کی ایک فرضی دیوی ’’یمانجہ‘‘ کو تحفے دیئے جائیں تو زندگی میں خوشی اور فارغ البالی آتی ہے۔ اس کے لیے کئی برازیلی باشندے ریوڈی جنیرو کے ایک ایک ساحل پر جاکر سفید پھول اور تحفے سمندر کی نذر کرتے ہیں۔ کچھ لوگ سمندر کے پاس جاکر 7 لہروں کو چھلانگ لگا کر عبور کرتے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔