سامعہ شاہد کو غیرت کے نام پر سفاکانہ طریقے سے قتل کیا گیا، رپورٹ

لاہور / اسلام آباد: برطانوی شہریت کی حامل پاکستانی لڑکی سامعہ شاہد کے قتل کا معمہ تاحال حل نہیں کیا جاسکا۔

ہفتے کو بعض ٹی وی چینلوں کی رپورٹس میں بتایا گیا کہ تفتیشی حکام کا کہنا ہے کہ سامعہ شاہد کو غیرت کے نام پر بے دردی سے موت کے گھاٹ اتارا گیا اور اس سفاکانہ کارروائی میں اس کے قریبی رشتے دار بھی ملوث ہیں۔ واضح رہے کہ کچھ عرصہ قبل سامعہ شاہد کی تشدد زدہ لاش ملی تھی جس پر پولیس نے مقتولہ کے والد، شوہر کو شامل تفتیش کیا ہے لیکن ابھی تک قتل کی اصل وجوہ اور قاتلوں کا علم نہیں ہوسکا۔