پنجاب میں نئے گورنر کی تعیناتی کوئی سازش نہیں، قمر زمان کائرہ

ہارون آباد: وفاقی وزیر اطلاعات ونشریات قمر زمان کائرہ نے کہا ہے کہ پنجاب میں نئے گورنر کی تعیناتی کوئی سازش نہیں، اسمبلیاں 16 مارچ کو ہی تحلیل ہوں گی۔

ہارون آباد میں پنجاب اسمبلی کے ڈپٹی پارلیمانی لیڈر شوکت بسرا کی رہائش گاہ پر میڈیا سے بات چیت کرتے ہوئے قمر زمان کائرہ نے کہا کہ ڈاکٹر طاہرالقادری کے کہنے پر ادارے تبدیل نہیں کیے جاسکتے، وہ دھمکیاں دینے کے بجائے عوام میں جائیں تو انہیں عوامی مسائل کا اندازہ ہوجائے گا۔ انہوں نے کہا کہ پنجاب میں نئے گورنر مخدوم احمد محمود کی تعیناتی کوئی سازش نہیں۔