گلوکار سلیم جاوید نے مری میں آواز کا جادو جگا کر دل جیت لیے

کراچی: معروف گلوکار سلیم جاوید نے مری کی وادیوں میں اپنی آواز کا جادو جگا کر عوام کے دل جیت لیے گز شتہ رات بورون میں سعید اسلام کی جانب سے ڈاکٹرز کے اعزاز میں ایک پروقار تقریب کا اہتمام کیا گیا۔

جس میں گلوکار سلیم جاوید نے ’جگنی‘ گاکر سرد موسم میں محفل کو گرما دیا اور عوام رات گئے تک ان سے فرمائش کرتے رہے دوران تقریب سلیم جاوید نے نمایندہ ایکسپریس سے بات چیت کرتے ہوئے بتایا کہ اپنے کام کی پذیرائی دیکھ کر اچھا لگتا ہے پاکستان کی عوام فنکاروں کے کام سے زیادہ ان سے محبت کرتے ہیں ایک سوال کے جواب میں انھوں نے بتایا کہ پاکستان میں سوچی سمجھی سازش کے تحت پہلے فلم ختم کی گئی پھر میوزک اور اب ڈرامہ ختم کیا جارہا ہے اس وقت ہمارا ڈرامہ دنیا میں دیکھا جاتا ہے فنکار معیاری کام کررہے ہیں۔