نیوکلیئرسپلائرز گروپ میں بھارتی شمولیت کی راہ ہموار کرنے کی ایک اور کوشش

واشنگٹن: ایک امریکی تنظیم آرمزکنٹرول ایسوسی ایشن (اے سی اے) نے دعویٰ کیا ہے کہ نیوکلیئرسپلائرز گروپ کے سابق سربراہ کی جانب سے این پی ٹی پر دستخط نہ کرنے والے ممالک کی این ایس جی میں شمولیت کیلیے دی گئی تجویز سے بھارت کی شمولیت کی راہ ہموار ہوگی جبکہ پاکستان کی شمولیت کے امکانات محدود ہوں گے۔

بھارتی میڈیا رپورٹ کے مطابق امریکی تنظیم آرمز کنٹرول ایسوسی ایشن (اے سی اے) نے کہا ہے کہ این ایس جی کے سابق چیئرمین رافیل ماریانوگروسی نے دو صفحوں پر مشتمل دستاویز تیارکی ہے جس میں اس بات کی وضاحت کی گئی ہے کہ غیر این پی ٹی ممالک جیسے کہ ہندوستان اور پاکستان کس طرح گروپ کی رکنیت حاصل کرسکتے ہیں۔