عادل مراد نے ایک مرتبہ پھر فلم انڈسٹری میں انٹری دیدی

 لاہور:  چاکلیٹی ہیرو وحید مراد کے صاحبزادے عادل مراد کی طویل عرصہ بعد فلم انڈسٹری میں واپسی ہوگئی ہے۔

تفصیلات کے مطابق عادل مراد نے اردو فلم ’’راجہ صاحب‘‘ سے ڈبیو کیا مگر کمزور اسکرپٹ اور ڈائریکشن کے باعث باکس آفس پر فلاپ ہوگئی۔اس فلم کی ناکامی کے بعد عادل مراد نے پروڈکشن کے ساتھ چند ایک ڈرامہ سیریلز میں اداکاری بھی کی۔

مصنف وہدایتکار سید نور نے نئی اردو فلم ’’چین نہ آئے ‘‘ میں عادل مراد کو سائن کیا ہے۔ اس حوالے سے عادل مراد نے کہا کہ میری کوشش ہوگی کہ فلم انڈسٹری میں اپنی واپسی کو یادگار بناؤں۔