- سونے کی قیمتوں میں معمولی اضافہ
- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
- ویمنز ٹیم کی سابق کپتان بسمہ معروف نے ریٹائرمنٹ کا اعلان کردیا
- امریکی یونیورسٹیز میں ہونے والے مظاہروں پر اسرائیلی وزیراعظم کی چیخیں نکل گئیں
- پولیس یونیفارم پہننے پر مریم نواز کیخلاف کارروائی ہونی چاہیے، یاسمین راشد
- قصور ویڈیو اسکینڈل میں سزا پانے والے 2 ملزمان بری کردیے گئے
- سپریم کورٹ نے اسپیکر بلوچستان اسمبلی عبدالخالق اچکزئی کو بحال کر دیا
- مرغی کی قیمت میں کمی کیلیے اقدامات کر رہے ہیں، وزیر خوراک پنجاب
- عوام کو کچھ نہیں مل رہا، سارا پیسہ سرکاری تنخواہوں میں دیتے رہیں گے؟ چیف جسٹس
- وزیراعلیٰ بننے کیلئے خود کو ثابت کرنا پڑا، آگ کے دریا سے گزر کر پہنچی ہوں، مریم نواز
- کلین سوئپ شکست؛ ویمنز ٹیم کی سلیکشن کمیٹی میں بڑی تبدیلیاں
- قومی اسمبلی کمیٹیاں؛ حکومت اور اپوزیشن میں پاور شیئرنگ کا فریم ورک تیار
- ٹرین میں تاریں کاٹ کر تانبہ چوری کرنے والا شخص پکڑا گیا
- غزہ کے اسپتالوں میں اجتماعی قبریں، امریکا نے اسرائیل سے جواب طلب کرلیا
- وزارتِ صنعت و پیداوار نے یوریا کھاد درآمد کرنے کی سفارش کردی
- ٹی20 ورلڈکپ؛ 8 بار کے اولمپک گولڈ میڈلسٹ یوسین بولٹ سفیر نامزد
- کہوٹہ؛ بس میں ڈکیتی کے دوران ڈاکو کی فائرنگ سے سرکاری اہلکار جاں بحق
- نوجوان نسل قوم کا سرمایہ
- اسلام آباد میں روٹی کی قیمت میں کمی کا نوٹیفکیشن معطل
- کیا رضوان آئرلینڈ کیخلاف سیریز میں اسکواڈ کا حصہ ہوں گے؟ بابر نے بتادیا
70سال سے زائدالعمر افراد ٹیموں کے ساتھ منسلک نہیں ہوں گے
کراچی: 70 سال سے زائد العمر افراد کو ٹیموں کے ساتھ منسلک نہ کرنے کا فیصلہ کر لیا گیا۔ پی سی بی نے8 سابق کرکٹرز کی فہرست بنا لی جنھیں مستقبل میں سینئر اور جونیئر ٹیموں کے ساتھ بطور منیجر منسلک کیا جائے گا۔ اسی طرح12 کوچز کی لسٹ بھی تیار کر لی گئی جو ٹورز میں جونیئر ٹیموں کے ساتھ وابستہ ہوں گے۔
تفصیلات کے مطابق 75 سالہ انتخاب عالم کے بورڈ سے معاہدے کا گزشتہ برس دورئہ انگلینڈ کے بعد اختتام ہوا تھا،ان کی جگہ یو اے ای میں ویسٹ انڈیز سے سیریز کیلیے68برس کے وسیم باری کو قومی ٹیم کا منیجر مقرر کیا گیا تھا، وہ اب بھی اس عہدے پر فائز ہیں، اسی طرح2016میں ہی73 سالہ کرنل (ر) نوشاد علی نے پاکستان اے کے دورئہ زمبابوے میں بطور منیجر فرائض نبھائے تھے۔
ذرائع نے بتایا کہ اب پی سی بی نے مستقبل میں کسی 70 سال سے زائد العمرشخص کو ذمہ داری نہ سونپنے کا فیصلہ کر لیا ہے،8 سابق ٹیسٹ کرکٹرز کی ایک فہرست تیار کی گئی جنھیں مستقبل میں قومی اور جونیئر لیول کی ٹیموں کے ساتھ بطور منیجر بھیجا جائے گا، ان میں ندیم خان، معین خان، جلال الدین، اقبال قاسم، ہارون رشید، اقبال سکندر، طلعت علی اور شعیب محمد شامل ہیں۔60 سال سے زائد العمر کسی سابق کرکٹر کا تقرر بھی چیئرمین کے کہنے پر ہی ہو سکے گا،یاد رہے کہ طلعت علی 66 جبکہ ہاورن رشید اور اقبال قاسم 63،63 سال کے ہیں۔ حیران کن طور پر پول میں شامل بیشتر کرکٹرز کا تعلق کراچی سے ہے۔
دوسری جانب پی سی بی نے اکیڈمی کوچز کا12رکنی پول بھی بنا دیا، مستقبل میں جونیئرز ٹورز میں انھیں ذمہ داریاں سونپی جائیں گی، ان میں سلیم جعفر، اعظم خان، عبدالرحمان، تنویر شوکت، تیمور خان، سجاد اکبر، شاہد انور، صبیح اظہر، اقبال امام، جاوید حیات، کامران خان اور مسرور احمد شامل ہیں۔ یاد رہے کہ منصور رانا پہلے ہی انڈر19ٹیم کے ساتھ منسلک ہیں،نئی فہرست میں سے تیمور خان بطور ہیڈ کوچ کم ٹیم منیجر جبکہ مسرور احمد نائب کوچ بن کر انڈر 16ٹیم کے ساتھ یو اے ای گئے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔