ادیتیا رائے کپورنے کترینہ سے گہری دوستی پرچپ توڑدی

ممبئی: بالی ووڈ فلم “عاشقی ٹو” سے کرئیر کا آغاز کرنے والے اداکارادیتیا رائے کپور کا نام پہلے اداکارہ شردھا کپور کے ساتھ جوڑا جا رہا تھا اوراب باربی ڈول کترینہ کیف کے ساتھ ان کی دوستی کی باتیں ہورہی ہیں جس پراداکار نے چپ توڑ دی ہے۔

بھارتی میڈیا رپورٹس کے مطابق ادیتیا رائے کپورکا کترینہ کیف کے ساتھ گہری دوستی سے متعلق خبروں پرکہنا تھا کہ فلم انڈسٹری میں آپ کی کسی کے ساتھ دوستی یا بات چیت کوہمیشہ دوسرا ہی رنگ دیا جاتا ہے اور اُس دوستی کو کسی رشتے سے جوڑ کربہت سی باتیں بھی کی جاتی ہیں۔ اداکار نے کہا کہ لوگوں کا کام ہی من گھڑت خبریں بنانا ہوتا ہے اور لوگ نہ جانے کیا کیا سوچنے لگتے ہیں لیکن میں ہمیشہ سے ہی ذاتی زندگی میں مداخلت کا مخالف رہا ہوں۔

اس خبر کو بھی پڑھیں: ادتیا رائے صرف میرا دوست ہے اس کے علاوہ کچھ نہیں

ادیتیا رائے کپور نے مزید کہا کہ اگر کوئی کسی کا محض دوست بھی ہوتا ہے تواس سے متعلق نئی نئی کہانیاں سامنے آ جاتی ہیں اوراس دوستی کوکسی تعلق سے جوڑدیا جاتا ہے۔ اداکارنے کہا کہ اکثرفنکارتماشا بننے کے لیے ان باتوں کا جواب نہیں دینا چاہتے، میں بھی ہر2 دن بعد ان من گھڑت باتوں اور جھوٹ کی وضاحت کرنا نہیں چاہتا۔

دوسری جانب اداکارنے کہا کہ میرے اورشردھا کپورکے حوالے سے بھی لوگوں کی جانب سے ایسے ہی رشتے بنائے گئے اورہمارے متعلق بہت کچھ کہا اورلکھا گیا لیکن اب ہم دونوں ہی ان باتوں کی ذرا بھی فکر نہیں کرتے ہیں۔