پاکستان تاریخ کے نازک ترین دورسے گزررہاہے،آرمی چیف

کراچی: آرمی چیف جنرل اشفاق پرویزکیانی نے کہا ہے کہ پاکستان تاریخ کے نازک ترین دورسے گزررہا ہے.

نیول اکیڈمی کراچی میں 98 ویں کمیشنگ پاسنگ آوٹ پریڈ سے خطاب کرتے ہوئے آرمی چیف جنرل اشفاق پرویزکیانی نے کہا کہ ہمارامقابلہ ایسے دشمن سے ہے جس کی کوئی واضح شکل نہیں اوران خطرات کا مقابلہ قوم کی اجتماعی کوششوں سے ہی ممکن ہے۔انہوں نے کہا کہ پیچیدہ صورتحال نے سیکیورٹی چیلنجز کو جنم دیا اوران چیلنجز سے نمٹنے میں پاک فوج مرکزی کرداراداکررہی ہے۔

جنرل اشفاق پرویز کیانی نے کہا کہ روایتی خطرات کئی گنا بڑھ گئے ہیں جس کے باعث پاک بحریہ کی صلاحیتوں میں مزیداضافہ کیاجارہے  اوران خطرات  سے نمٹنے کے لئے جدید بحریہ کا وجود ناگزیر ہے۔