پاک فوج دہشت گردی کے خلاف افغان عوام اور فورسز کے ساتھ ہے، آرمی چیف

ویب ڈیسک  بدھ 11 جنوری 2017
 آرمی چیف جنرل جاوید قمر باجوہ   نے کابل اور قندھار میں دہشت گرد حملوں کی شدید مذمت کی۔ فوٹو : فائل

آرمی چیف جنرل جاوید قمر باجوہ نے کابل اور قندھار میں دہشت گرد حملوں کی شدید مذمت کی۔ فوٹو : فائل

راولپنڈی: آرمی چیف جنرل قمر جاوید باجوہ نے کابل اور قندھار میں دہشت گرد حملوں کی شدید مذمت کرتے ہوئے اس میں قیمتی جانی نقصان پر افسوس کا اظہار کیا ہے۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے گزشتہ روز کابل اور قندھار میں دہشت گرد حملوں کی شدید مذمت کی اور دہشت گردوں حملوں میں قیمتی جانی نقصان پر افسوس کا اظہار کرتے ہوئے کہا کہ پاک فوج دہشت گردی کے خلاف افغان عوام اور فورسز کے ساتھ ہے۔

واضح رہے کہ گزشتہ روز افغان پارلیمنٹ کے قریب خود کش حملے اور قندھار میں دھماکوں کے نتیجے میں 39 افراد ہلاک اور متحدہ عرب امارات کے سفیر سمیت 100 سے زائد زخمی ہوگئے تھے۔



ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔