- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
برسبین ویمنز ٹینس: سرینا ولیمز اور پیٹراکیوٹو نے پہلا مرحلہ عبور کرلیا
برسبین: امریکی ٹینس اسٹار سرینا ولیمز اور جمہوریہ چیک کی پیٹرا کیوٹوا نے برسبین ویمنز ٹینس کا پہلا مرحلہ عبور کرلیا۔
سرینا نے ہموطن وارویرا لیپچنکو کا قصہ 6-2،6-1 سے تمام کیا جبکہ چھ سیڈ کیوٹوا نے اسپینش حریف کارلا سواریز نیوارو پر 6-3،6-4 سے غلبہ پایا، پولش پلیئر ارسزیلا ریڈوانسکا نے آسٹریا کی تمیرا پاسز کو 2-6،6-0 اور 6-2 سے پچھاڑ کر دوسرے رائونڈ میں جگہ بنالی، آسٹریلیا کی جرمیلا گیجڈسووا نے اطالوی حریف روبریٹا ونسی کو 4-6،6-1 اور 6-3 سے قابو کرلیا، روس کی اناستاسیا پاولیچنکووا نے جمہوریہ چیک کی لوسیا ہارڈیکا کو 6-3،3-6 اور 6-3 سے زیر کیا۔
تفصیلات کے مطابق برسبین ویمنز انٹرنیشنل ٹینس ٹورنامنٹ میں امریکی اسٹار سرینا ولیمز نے اپنی انجری کے بارے میں پائے جانے والے تمام خدشات دور کرتے ہوئے دوسرے رائونڈ میں جگہ بنالی، انھوں نے ہموطن وارویرا لیپچنکو کو مات دی، تھرڈ سیڈ 31 سالہ سرینا نے گذشتہ ہفتے تھائی لینڈ میں بیلاروس کی وکٹوریا آذرنیکا سے نمائشی میچ کھیلنے سے انکار کردیا تھا، جس کی وجہ انھوں نے حال ہی میں اپنے پائوں کے انگوٹھے کی سرجری بیان کی تھی، تاہم برسبین ایونٹ میں وہ مکمل چاق و چوبند نظر آئیں، 15 مرتبہ کی گرینڈ سلم فاتح سرینا نے جلد ہی کھیل میں ردھم پاتے ہوئے محض59 منٹ میں حریف کا بوریا بستر گول کردیا، کامیابی کے بعد میڈیا سے گفتگو کرتے ہوئے انھوں نے کہا کہ میچ کے آغاز سے قبل میں اپنی انجری کی وجہ سے کچھ نروس تھی لیکن مجھے دوران میچ پائوں میں کوئی تکلیف نہیں ہوئی اور سب کچھ ٹھیک رہا۔
سرینا ولیمز کیلیے سال 2012 کا اختتامی نصف حصہ نہایت شاندار رہا، جس میں انھوں نے لندن اولمپکس، ومبلڈن، یوایس اوپن اور سیزن کا اختتامی ڈبلیو ٹی اے ٹورنامنٹ جیتا، سابق ومبلڈن چیمپئن پیٹرا کیوٹوا نے بھی متاثر کن آغاز کریا، انھوں نے اسٹریٹ سیٹ میں اسپین کی کارلا سواریز نیوارو کو ہرادیا۔دوسری جانب پرتھ میں جاری مکسڈ ٹیم ہوپ مین کپ ٹینس ٹورنامنٹ کے گروپ ’ اے ‘ میں اسپین نے فرانس کو 2-1 سے ہرادیا، مینز سنگلز میں جوئے ولفریڈ سونگا نے اسپین کے فرنانڈو ورڈاسکو کو 7-5 اور 6-3 سے مات دی تاہم اسپین کی انابیل میڈینا گوریجس نے فرنچ پلیئر متھالی جوہانسن کو 6-3،6-2سے زیر کرکے حساب برابر کردیا۔
مسکڈ ڈبلز میں میڈینا گوریجس اور ورڈاسکو نے جوہانسن اور سونگا کو 6-3،6-3 سے قابو کرلیا۔گروپ ’بی ‘ میں امریکا نے جنوبی افریقہ کو 2-1 سے ٹھکانے لگادیا، ویمنز سنگلز میں امریکا کی وینس ولیمز نے چینیلی شیپرز کو 4-6،6-2اور 6-3 سے مات دی، تاہم مینز سنگلز میں جنوبی افریقہ کے کیون اینڈرسن کو جون اسنر نے 7-6(7/0)،7-6(7/5) سے زیر کرلیا، مکسڈ ڈبلز میں وینس ولیمز اور اسنر نے شیپرز اور اینڈرسن پر 6-3،6-2 سے غلبہ پالیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔