اٹک میں ٹریفک حادثے میں 2 خواتین سمیت 7 افراد جاں بحق

5 زخمیوں کی حالت تشویشناک بتائی جارہی ہے۔، پولیس: فوٹو: فائل

---

نواحی علاقے کھنڈہ موڑ میں مسافر وین اور ٹرالر میں تصادم کے نتیجے میں 2 خواتین سمیت 7 افراد جاں بحق جبکہ 11 افراد زخمی ہوگئے۔

ایکسپریس نیوزکے مطابق جنڈ کے مختلف علاقوں سے تعلق رکھنے والے افراد مسافر وین کے ذریعے ہری پور دربار پر حاضری دینے کے بعد واپس آرہے تھے کہ ان کی اٹک میں کھنڈہ موڑکے قریب گاڑی موڑ کاٹتے ہوئے ڈرائیور سے بے قابو ہو کر مخالف سمت سے آنے والے ٹرالر سے ٹکرا گئی، جس کے نتیجے میں 2 خواتین سمیت 7 افراد جاں بحق اور 11 زخمی ہو گئے۔

اس خبر کو بھی پڑھیں: ساہیوال میں بس اور ٹرالرمیں تصادم سے 4 افراد جاں بحق

پولیس کا کہنا ہے کہ جاں بحق افراد میں ایک ہی خاندان کے 3 افراد بھی شامل ہیں جبکہ زخمیوں کو طبی امداد کے لئے اسپتال منتقل کردیا گیا ہے جہاں 5 زخمیوں کی حالت تشویشناک بتائی جا رہی ہے۔