نوازشریف سے حسد نےعمران خان کو ذہنی مریض بنادیا ہے، مریم اورنگزیب

ویب ڈیسک  اتوار 15 جنوری 2017
عمران خان کو سوتے جاگتے نوازشریف کا خیال ستاتا ہے، وزیرمملکت برائے اطلاعات : فوٹو : فائل

عمران خان کو سوتے جاگتے نوازشریف کا خیال ستاتا ہے، وزیرمملکت برائے اطلاعات : فوٹو : فائل

 اسلام آباد: وزیر مملکت برائے اطلاعات مریم اورنگزیب کا کہنا ہے کہ عمران خان کو سوتے جاگتے نوازشریف کا خیال ستاتا ہے انہیں نوازشریف کے حسد نے ذہنی مریض بنادیا ہے۔

ڈیرہ غازی خان میں عمران خان کی تقریر  کے رد عمل میں وزیرمملکت برائے اطلاعات مریم اورنگزیب کا کہنا تھا کہ عمران خان کو سوتے جاگتے نوازشریف کا خیال ستاتا ہے، نوازشریف سے حسد نے عمران خان کو ذہنی مریض بنادیا ہے، حسد کا کوئی علاج نہیں، بس دعا کرسکتی ہوں کہ اللہ انہیں ہدایت دے اور انہیں مبارک ہو وزیراعظم ڈیوس کے لیے روانہ ہورہے ہیں۔

اس خبرکوبھی پڑھیں: نوازحکومت کا جلد خاتمہ ہونے والا ہے

مریم اورنگزیب کا کہنا تھا کہ عمران خان عدالت میں ایک الزام ثابت نہیں کر سکے اور عدالت میں مریم نوازبھی فلیٹس کی مالک نہیں نکلیں۔ ان کا کہنا تھا کہ عمران خان جلسوں میں بڑھکیں لگانے کے بجائے عدالت میں ثبوت دیں اور وہ سرکاری اسکول دکھائیں جہاں ان کے بچے پڑھتے ہوں۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔