- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
سینیٹ میں حکومت کو پھر شکست، نیب ترمیمی آرڈیننس کثرت رائے سے مسترد
اسلام آباد: سینیٹ میں نیب ترمیمی آرڈیننس مسترد کرنے کی قرارداد کثرت رائے سے منظور کرلی گئی جس سے پلی بارگین ختم کرنے کیلیے چند روز قبل جاری کردہ آرڈیننس غیر فعال ہوگیا۔
بدھ کو اپوزیشن کے اراکین نے قرارداد پیش کی جس میں کہا گیا ہے کہ یہ ایوان قومی احتساب ترمیمی آرڈیننس کو مسترد کرتا ہے۔ وزیرقانون زاہد حامد نے کہا کہ سپریم کورٹ نے پلی بارگین کی شق کو معطل کیا تھا اور حکومت سے اس کا موقف طلب کیا تھا، حکومتی موقف کیلیے آرڈیننس لایا گیا۔ اس کے تحت کوئی بھی فرد جس بھی عہدے پر ہو، پرکرپشن ثابت ہوجائے تو وہ تاحیات نااہل ہوجائیگا۔ تاج حیدر نے کہا کہ ہم پلی بارگین ختم کرنا چاہتے ہیں مگر سینیٹ اجلاس طلب کیے جانے کے باوجود آرڈیننس لایا گیا۔
چیئرمین نے قرارداد پر رائے شماری کرائی تو 33 ارکان نے قرارداد کی حمایت اور 21 نے مخالفت کی۔ پختونخوا میپ کے ارکان نے بھی قرارداد کی حمایت میں ووٹ دیا۔ چیئرمین نے وزیر قانون کو ہدایت کی کہ احتساب کا ایسا جامع قانون وضع کیا جائے جس کے تحت عدلیہ، فوج، سول بیوروکریسی سمیت سب کا ایک چھت تلے احتساب ہو سکے۔ اس بارے میں پارلیمانی کمیٹی کوتحریری طور پر بھی لکھوںگا۔ ایک ٹی وی کے مطابق قرارداد کی منظوری سے قومی احتساب ترمیمی آرڈیننس غیر فعال ہو گیا ہے۔
دوسری جانب عثمان کاکڑ کے نکتہ اعتراض پر اپنے ریمارکس میں چیئرمین رضاربانی نے کہا فوجی عدالتوں کی مدت میں توسیع پر قومی اسمبلی میں اتفاق رائے کی سینیٹ پابند نہیں ہوگی، حکومت قومی اسمبلی کے لیڈرزکے اجلاس کو پارلیمانی اجلاس کا نام نہ دے کیونکہ اس میں سینیٹ کی نمائندگی نہیں ہے اور اگر حکومت نے سیاسی جماعتوں سے مشاورت شروع کر رکھی ہے تو بلاامتیاز تمام سیاسی جماعتوں کو اس مشاورت میں شریک کیا جائے۔
سراج الحق نے نکتہ اعتراض پر کہاکیا حکومت اور نظام ڈاکٹر عافیہ صدیقی کی امریکی جیل میں موت کے انتظار میں ہے، حکومت قوم کی مظلوم بیٹی کی رہائی کیلیے اپنے وعدہ کی پاسداری کرے۔
شاہد خاقان عباسی نے کہا پنجاب میں گیس کی پیداوار طلب سے 50 فیصد کم ہے۔ ایران پاکستان گیس پائپ لائن منصوبے میں تاخیر ایران پر پابندیوں کی وجہ سے ہوئی، اس کے ہم ذمہ دار نہیں ہیں، دہری شہریت کے حامل فرد کے او جی ڈی سی ایل کا ایم ڈی بننے پر کوئی پابندی نہیں۔ وزیرقانون زاہد حامد نے کہا عرب شہزادوں کو شکار کیلیے اجازت نامہ متعلقہ صوبائی حکومتیں جاری کرتی ہیں، وفاقی حکومت نے کوئی اجازت نامہ جاری نہیں کیا۔
وزیر پانی وبجلی خواجہ آصف نے کہا مغربی دریاؤں پر بھارت کے پن بجلی منصوبے سندھ طاس معاہدے کی خلاف ورزی ہیں، ورسک بجلی گھرکی پیداواری استعداد بڑھانے کیلئے معاہدہ ہوگیا۔ ایوان نے باچا خان ایئرپورٹ پشاور کی توسیع کے کام کا جائزہ لینے کیلیے خیبر پختونخوا کے اراکین سینیٹ پر مشتمل کمیٹی قائم کرنے کی منظوری دی۔ بعدازاں اجلاس پیرکی سہ پہر تین بجے تک ملتوی کردیا گیا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔