پاکستان میں 35 لاکھ بچے غذائی قلت کا شکار ہیں،اقوام متحدہ

کراچی: اقوام متحدہ نے کہاہے کہ پاکستان میں 35 لاکھ بچے غذائی قلت کا شکار ہیں۔

ملک میں نوزائیدہ اور 5 سال سے کم عمر بچوں کی اموات کی شرح دیگرکئی جنوبی ایشیائی ممالک سے کہیں زیادہ ہے، تازہ ترین رپورٹ کے مطابق عالمی ادارہ صحت کے ماہرین کا کہنا ہے کہ بچوںکوبیماریوں اور بالخصوص جان لیوا بیماریوں سے بچانے کے لیے ان کی خوارک کو متوازن اور غذائیت سے بھرپور بنانے کی اشد ضرورت ہے۔

ماہرین نے کہا کہ بچوں کو مہیا خوراک میں غذائیت کی مقدار درست نہیں جس کے نتیجے میں بھی بہت سے بچے کئی بیماریوں کاشکار ہورہے ہیں، ورلڈ ڈویلپمنٹ رپورٹ کے مطابق پاکستان میں پیدا ہونیوالے ہر ایک ہزار بچوں میں سے 86 پانچ سال کی عمر تک پہنچنے سے پہلے ہی مر جاتے ہیں جبکہ نوزائیدہ بچوں کی اموات کی یہ شرح زیادہ ہے۔