- فیصل واوڈا نے عدالتی نظام پر اہم سوالات اٹھا دیئے
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
ویرات کوہلی نے نگاہیں آسٹریلیا سے سیریز پر مرکوز کرلیں
حیدرآباد: بھارتی کرکٹ ٹیم کے کپتان ویرات کوہلی نے کہا کہ میری تمامتر نظریں اب آسٹریلیا سے ہوم سیریز مرکوز ہیں تاہم اس حوالے سے ہم نے اپنی حکمت عملی وضع کرلی ہے۔
بنگلہ دیش سے واحد ٹیسٹ میچ جیتنے کے بعد میڈیا سے گفتگو کرتے ہوئے بھارتی کپتان کا کہنا تھا کہ آسٹریلیا کیخلاف ہوم سیریز کیلیے پلیئرز مکمل طور پر تیار ہیں اور اس سلسلے میں ٹیم نے کافی کام کرلیا ہے، ان کا کہنا تھا کہ لگاتار6 سیریزجیتنے کے بعد ٹیم کا مورال بلند ہے اور فتوحات کے سلسلے کو جاری رکھنے کیلیے آسٹریلیا کیخلاف بھی جارحانہ حکمت عملی اپنائی جائے گی۔
ویرات کوہلی کا کہنا تھا کہ سیریزکے پہلے ٹیسٹ سے ہی بھارتی ٹیم کی آسٹریلیا پر برتری کو ثابت کریں گے، اس سیزن میں ہماری سب سے بڑی ہوم سیریز انگلینڈ کیخلاف تھی جس میں ہم نے مخالف سائیڈ کو4-0 سے وائٹ واش کیا۔ ان کا کہنا تھا کہ آسٹریلیا کیخلاف فتوحات کے تسلسل کو برقرار رکھنے کیلیے ٹیم نے ذہنی طور پر مکمل تیاری کرلی، بیٹسمینوں کے ساتھ بولرز بھی عمدہ کارکردگی کا مظاہرہ کررہے ہیں۔
حیدرآباد ٹیسٹ میچ کا ذکرکرتے ہوئے بھارتی کپتان کا کہنا تھا کہ وکٹ بیٹنگ کیلیے سازگار تھی، بنگلہ دیشی بیٹسمین پہلی اننگز میں اچھا کھیلے لیکن دوسری اننگزمیں وہ پریشر برداشت نہیں کرسکے اور ہم نے208 رنز سے انھیں زیر کرلیا۔
بھارتی کپتان کا کہنا تھا کہ اس جیت پر ہمیں بہت زیادہ خوش ہونے کی ضرورت نہیں کیونکہ ہماری تمامتر نظریں آسٹریلیا سے ہونیوالی بڑی ہوم سیریز پر ہیں، بھارتی کپتان کا کہنا تھا کہ ٹیم میں 2 ورلڈ کلاس اسپنرز کا ہونا تقویت کا باعث ہے، فاسٹ بولر امیش یادیو بھی ٹیم کیلیے ایک اچھا اضافہ ہیں، میں اپنی پرفارمنس سے مطمئن ہوں اور اپنی کارکردگی کے تسلسل کو برقرار رکھنا چاہتا ہوں۔
واضح رہے کہ کوہلی نے حال ہی میں بنگلہ دیش کے خلاف ڈبل سنچری بنائی تھی، انھوں نے ٹیسٹ کرکٹ میں بھارت کی جانب سے چار ڈبل سنچریاں بناکر منفرد اعزاز حاصل کیا ہے، بھارت اور آسٹریلیا کے درمیان پہلا ٹیسٹ 23 فروری سے پونے میں شروع ہوگا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔