- پی ٹی آئی قانونی ٹیم کا فائز عیسیٰ اور جسٹس عامر فاروق سے استعفی کا مطالبہ
- اہم چیلنجز کا سامنا کرنے کیلیے امریکا پاکستان کے ساتھ کھڑا رہے گا، جوبائیڈن کا وزیراعظم کو خط
- عالمی اور مقامی مارکیٹوں میں سونے کی قیمت میں بڑا اضافہ ہوگیا
- اسٹاک مارکیٹ میں اتار چڑھاؤ کے بعد مندی، سرمایہ کاروں کے 17ارب ڈوب گئے
- پشاور بی آر ٹی؛ ٹھیکیداروں کے اکاؤنٹس منجمد، پلاٹس سیل کرنے کے احکامات جاری
- انصاف کے شعبے سے منسلک خواتین کے اعداد و شمار جاری
- 2 سر اور ایک دھڑ والی بہنوں کی امریکی فوجی سے شادی
- وزیراعظم نے سرکاری تقریبات میں پروٹوکول کیلیے سرخ قالین پر پابندی لگادی
- معیشت کی بہتری کیلیے سیاسی و انتظامی دباؤبرداشت نہیں کریں گے، وزیراعظم
- تربت حملے پر بھارت کا بے بنیاد پروپیگنڈا بے نقاب
- جنوبی افریقا میں ایسٹر تقریب میں جانے والی بس پل سے الٹ گئی؛ 45 ہلاکتیں
- پاکستانی ٹیم میں 5 کپتان! مگر کیسے؟
- پختونخوا پولیس کیلیے 7.6 ارب سے گاڑیاں و جدید آلات خریدنے کی منظوری
- اسلام آباد ہائیکورٹ نے پی ٹی آئی رہنما کو عمرے پرجانے کی اجازت دے دی
- مشترکہ مفادات کونسل کی تشکیل نو، پہلی بار وزیر خزانہ کی جگہ وزیر خارجہ شامل
- پنجاب گرمی کی لپیٹ میں، آج اور کل گرج چمک کیساتھ بارش کا امکان
- لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
- پشاور؛ بس سے 2 ہزار کلو سے زیادہ مضر صحت گوشت و دیگر اشیا برآمد
- وزیراعلیٰ پنجاب نے نوازشریف کسان کارڈ کی منظوری دے دی
- بھارتی فوجی نے کلکتہ ایئرپورٹ پر خود کو گولی مار کر خودکشی کرلی
اورنگی ٹاؤن میں پولیس مظاہرین پرٹوٹ پڑی، متعدد زخمی اور کئی گرفتار
کراچی: اورنگی ٹاؤن میں چوری اور ڈکیتیوں کے خلاف احتجاج کرنے والے مظاہرین پر پولیس ٹوٹ پڑی جس کے نتیجے میں متعدد افراد زخمی ہوگئے جب کہ پولیس نے کئی افراد کو حراست میں لے لیا۔
ایکسپریس نیوز کے مطابق اورنگی ٹاؤن کے علاقے اسلام چوک پر علاقہ مکینوں کی جانب سے چوری اور ڈکیتی کی وارداتوں کے خلاف احتجاج جاری تھا کہ اس دوران پولیس نے مظاہرین کو منتشر کرنے کے لیے ہوائی فائرنگ اور آنسو گیس کی شیلنگ کی جس کے نتیجے میں ابتدائی طور پر 6 افراد زخمی ہوگئے۔ زخمیوں کو عباسی شہید اسپتال منتقل کیا گیا جس کے بعد مظاہرین بپھر گئے اور پولیس پر پتھراؤ شروع کردیا جس کے نتیجے میں 2 اہلکار زخمی اور پولیس وین کے شیشے ٹوٹ گئے۔
پولیس اور مظاہرین کی جانب سے شیلنگ اور پتھراؤ کا سلسلہ 2 گھنٹے تک جاری رہا جس کے بعد پولیس کی اضافی نفری طلب کرلی گئی تاہم اس کے باوجود بات نہ بنی تو رینجرز کو بھی میدان میں کودنا پڑا اور جونہی صورتحال معمول پر آئی تو پولیس نے علاقہ مکینوں کی پکڑ دھکڑ شروع کرتے ہوئے متعدد افراد کو حراست میں لے لیا۔ لوگوں کی گرفتاریوں کے بعد مشتعل خواتین سڑکوں پر نکل آئیں اور اس دوران پولیس اہلکاروں نے خواتین کے ساتھ بدتمیزی بھی کی۔
پولیس کے مطابق ہوائی فائرنگ اور شیلنگ مظاہرین کی جانب سے پولیس وین پر پتھراؤ کے بعد کی گئی جب کہ علاقہ مکینوں کا کہنا ہے کہ علاقے میں بڑھتی ہوئی چوری کی وارداتوں کے خلاف احتجاج جاری تھا کہ اس دوران پولیس نے ہوائی فائرنگ اور شیلنگ شروع کی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔