- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
- بشریٰ بی بی کو کھانے میں ٹائلٹ کلینر ملا کر دیا گیا، عمران خان
- عمران خان اور بشریٰ بی بی کی درخواستیں منظور، طبی معائنہ کروانے کا حکم
- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی پر حملہ، خودکش بمبار کی شناخت
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
- انٹرنیٹ بندش کا اتنا نقصان نہیں ہوتا مگر واویلا مچا دیا جاتا ہے، وزیر مملکت
کراچی کنگزنے پشاور زلمی کو سنسنی خیزمقابلے کے بعد شکست دیدی
شارجہ: پاکستان سپر لیگ کے 13 ویں میچ میں کراچی کنگز نے سنسنی خیز مقابلے کے بعد پشاور زلمی کو 9 رنز سے شکست دے دی۔
شارجہ کرکٹ گراؤنڈ میں کھیلے گئے میچ میں کراچی کنگزنے پہلے بیٹنگ کرتے ہوئے پشاور زلمی کو جیت کے لیے 175 رنز کا ہدف دیا۔ ہدف کے تعاقب میں سیمی الیون کی جانب سے تمیم اقبال اور کامران اکمل نے پر اعتماد انداز میں اننگز کا آغاز کیا لیکن 32 کے مجموعی اسکور پر کامران اکمل 14 رنز بنا کر سہیل خان کا شکار بنے جب کہ تمیم اقبال بھی ایک رنز کے اضافے کے بعد سہیل خان کی گیند پر کیچ تھما بیٹھے۔ پشاور زلمی کے مڈل آرڈر بیسٹمین افتخار احمد کوعماد وسیم نے اپنا شکاربنایا اور این مورگن بھی 3 رنز بناکر پویلین لوٹ گئے جب کہ صہیب مقصود 5 رنز پر عثمان خان کے ہاتھوں آؤٹ ہوئے۔ پشاور زلمی کے شکیب الحسن 18 رنز پر عثمان خان کی گیند پر بوپارہ کو کیچ دے بیٹھے۔
میچ اس وقت دلچسپ صورتحال اختیار کرگیا جب زلمی کے کپتان ڈیرن سیمی اور شاہد آفریدی نے گراؤنڈ کے چاروں اطراف شاندار اسٹروکس کھیلے اور ساتویں وکٹ پر دونوں بلے بازوں نے 70 رنز کی شراکت قائم کی تاہم 139 کے مجموعی اسکور پر ڈیرین سیمی 34 رنز بنا کر شاہد آفریدی کا ساتھ چھوڑ بیٹھے جس کے بعد زلمی کی میچ پر گرفت کمزور ہونے لگی لیکن شاہد آفریدی نے جارحانہ انداز اپنائے رکھا 54 رنز بنا کر پویلین لوٹ گئے۔ وہاب ریاض 2 اور حسن علی 10 رنز بناکر آؤٹ ہوئے۔
کراچی کنگز کی جانب سے سہیل خان،عثمان خان نے 3،3 اور اسامہ میر نے 2 کھلاڑیوں کوپویلین کی راہ دکھائے جب کہ عماد وسیم اور شعیب ملک نے ایک ایک وکٹ حاصل کی۔
اس سے قبل میچ میں پشاور زلمی کے کپتان ڈیرن سیمی نے ٹاس جیت کر پہلے کراچی کنگز کو بیٹنگ کی دعوت دی تو بابر اعظم اور کپتان سنگاکارا نے اننگز کا جارحانہ آغاز کیا اور دونوں بلے بازوں نے پہلی وکٹ پر 72 رنز کی شراکت قائم کی تو بابراعظم 28 گیندوں پر ایک چھکے اور 6 چوکوں کی مدد سے 46 رنز بنا کر پویلین لوٹ گئے۔ سنگاکارا 28، کرس گیل 11 اور روی بوپارا 30 رنز بنا کر آؤٹ ہوئے جب کہ شعیب ملک نے شاندار بیٹنگ کا مظاہرہ کرتے ہوئے 27 گیندوں پر 3 چھکوں اور 4 چوکوں کی مدد سے 51 رنز کی ناٹ آؤٹ اننگز کھیلی۔ پشاور زلمی کی جانب سے افتخار احمد نے 2، شکیب الحسن اور عمران خان نے ایک ایک وکٹ حاصل کی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔