فاسٹ بولر عمرگل پی ایس ایل سے باہر

 کراچی: پاکستانی فاسٹ بولرعمر گل ہاتھ میں فریکچر ہوجانے کی وجہ سے پاکستان سپر لیگ کے باقی میچز سے باہر ہوگئے ہیں۔

ہفتے کو پشاور زلمی کیخلاف میچ میں وہاب ریاض کی گیند لگنے سے عمر گل اس انجری سے دوچار ہوئے تھے، بعدازاں اسکین ٹیسٹ سے ان کے ہاتھ میں فریکچر کا انکشاف ہوا لہذا اب وہ ایونٹ کے باقی میچز میں شرکت نہیں کرپائیں گے۔ عمر گل نے سماجی رابطے کی ویب سائٹ ٹوئٹر پر اپنی تصاویر پوسٹ کرکے انجری کے بارے میں شائقین کو آگاہ کیا ہے اور ان سے جلد صحتیاب ہوجانے کی دعا کرنے کی درخواست کی ہے۔

Fractured my forearm today during the match, please keep me in ur prayers for a speedy recovery n for #teamQuetta success InshaAllah pic.twitter.com/3Vnso63xaR

— Umar55 (@mdk_gul) February 25, 2017

دوسری جانب وہاب ریاض نے عمر گل کی انجری پر افسوس کا اظہارکرتے ہوئے سماجی رابطے کی ویب سائٹ پر کہا ہے کہ میں نے یہ دانستہ نہیں کیا تھا، میں آپ کی جلد صحتیابی کیلیے دعاگو رہوں گا۔

Really sorry to hear @mdk_gul Wish a quick recovery.bro . Ur a fighter n u ll get through it INSHALLAH. U knw it was not intentional .

— Wahab Riaz (@WahabViki) February 25, 2017

واضح رہے عمر گل کوئٹہ گلیڈی ایٹر کی ٹیم میں شامل ہیں اورعمر گل کے انجرڈ ہونے سےکوئٹہ گلیڈی ایٹر فیصلہ کن میچز میں اپنے اہم بولر کی خدمات سے محروم ہوگئی ہے۔