انتظار کی گھڑیاں ختم، نئے نوکیا 3310 کی نقاب کشائی کردی گئی

ویب ڈیسک  پير 27 فروری 2017
نئے نوکیا 3310 کی بیٹری ٹاک ٹائم 22 گھنٹے سے بھی زائد ہے۔ فوٹو: بشکریہ وائرڈ ڈاٹ کام

نئے نوکیا 3310 کی بیٹری ٹاک ٹائم 22 گھنٹے سے بھی زائد ہے۔ فوٹو: بشکریہ وائرڈ ڈاٹ کام

بارسلونا: نوکیا نے 17 سال بعد ایک مرتبہ پھر چند تبدیلیوں کے ساتھ مقبول زمانہ موبائل فون 3310 کا نیا ورژن متعارف کرا دیا۔

بارسلونا میں جاری موبائل ورلڈ کانگریس ٹیکنیکل شو کے دوران مشہور زمانہ فون نوکیا 3310 کی نقاب کشائی کردی گئی۔ ماضی کی طرح نوکیا 3310 میں چند تبدیلیوں کے ساتھ وہی خوبیاں رکھی گئی ہیں جو اس موبائل کی پہچان تھیں جیسا کے موبائل فون مضبوطی کے اعتبار سے دیگر موبائلوں کے مقابلے میں مضبوط ثابت ہوگا جب کہ اس کی بیٹری ٹائمنگ بھی 22 گھنٹے ٹاک ٹائم بتائی جاتی ہے۔

اس خبر کو بھی پڑھیں: نوکیا 3310 دوبارہ انٹری کیلیے تیار

نیا نوکیا 3310 مکمل طور پر فیچر موبائل ہے جس میں ایس 30 آپریٹنگ سسٹم ہے جو اینڈرائڈ یا آئی او ایس آپریٹنگ سسٹم کا تو مقابلہ نہیں کرسکتا تاہم اس میں 2.5 جی انٹرنیٹ استعمال کرسکتے ہیں جب کہ موبائل میں 2 میگا پگسلز کا کیمرا آپشن بھی دیا گیا ہے۔

نوکیا 3310 تین مختلف رنگوں لال، پیلے اور نیلے رنگ میں دستیاب ہوگا جس کی قیمت 49 یورو ہے جو پاکستانی روپوں میں ساڑھے 5 ہزار روپے بنتی ہے۔ عوام کے بھرپور مطالبے پر کمپنی نے نئے نوکیا 3310 میں اسنیک گیم کا نیا ورژن بھی رکھا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔