پی ایس ایل فائنل کا حصہ نہ بننے والے غیرملکی کھلاڑیوں کا نیک خواہشات کا اظہار

پاکستان سپر لیگ میں شامل غیر ملکی کھلاڑیوں کی جانب سے فائنل میں پہنچنے والی ٹیموں کے لیے نیک خواہشات کا اظہار کیا گیا ہے۔

پاکستان سپر لیگ کا رنگا رنگ میلہ لاہور کے قذافی اسٹیڈیم میں جاری ہے جہاں پشاور زلمی اور کوئٹہ گلیڈی ایٹرز مد مقابل ہیں جب کہ دونوں ٹیموں میں ویسٹ انڈیز کے ڈیرن سیمی، مارلن سیمیولز اور بنگلہ دیش کے انعام الحق سمیت دیگر غیر ملکی کھلاڑی شامل ہیں تاہم سیکیورٹی خدشات کے باعث بہت سے غیر ملکی کھلاڑیوں نے پاکستان میں کھیلنے سے معذرت کرلی تھی تاہم اب انہوں نے فائنل میں پہنچنے والی کوئٹہ گلیڈی ایٹرز اور پشاور زلمی کی ٹیموں کے لیے نیک خواہشات کا اظہار کیا ہے۔

All the best to @TeamQuetta and @PeshawarZalmi. Will be an amazing final in Lahore. Hope the fans enjoy a fantastic game

— Kumar Sangakkara (@KumarSanga2) March 5, 2017

سری لنکا سے تعلق رکھنے والے کراچی کنگز کے کپتان کمار سنگاکارا نے ٹوئٹر پر کوئٹہ گلیڈی ایٹرز اور پشاور زلمی کے لیے نیک خواہشات کا اظہار کرتے ہوئے کہا کہ لاہور میں زبردست مقابلہ ہوگا، امید ہے کہ مداح پی ایس ایل فائنل سے لطف اندوز ہوں گے۔

Thisara Perera joins other gladiators in wishing #QuettaGladiators all the best for #HBLPSLFINAL #QZvPZ #KaiKaiQuetta @PereraThisara pic.twitter.com/BlahQjXYdq

— Quetta Gladiators (@TeamQuetta) March 5, 2017

کوئٹہ گلیڈی ایٹرز میں شامل سری لنکا کے ایک اور کھلاڑی تھسارا پریرا نے بھی کوئٹہ گلیڈی ایٹرز کے لیے ٹوئٹر پر ویڈیو پیغام میں نیک خواہشات کا اظہار کرتے ہوئے کہا کہ مجھے یقین ہے کہ کوئٹہ کی ٹیم پی ایس ایل فائنل جیت جائے گی۔

https://twitter.com/KP24/status/838292969287450625

سیکیورٹی خدشات کے باعث لاہور نا آنے والے کوئٹہ گلیڈی ایٹرز کی ٹیم میں شامل انگلش ٹیم کے سابق کپتان کیون پیٹرسن نے بھی ٹوئٹ میں اپنی ٹیم کے لیے نیک خواہشات کا اظہار کرتے ہوئے کہا کہ میں کوئٹہ کی ٹیم کے ساتھ ہوں۔

I'm sorry as I know how much it means to you all and hopefully in the future the safety will not be in doubt to come play there. 2/3

— Luke Wright (@lukewright204) February 28, 2017

کوئٹہ گلیڈی ایٹرز میں ہی شامل انگلش آل راؤنڈر لیوک رائٹ نے بھی ٹوئٹ میں کہا کہ میں جانتا ہوں کہ پی ایس ایل آپ لوگوں کے لیے کتنی اہم ہے لیکن فائنل نہ کھیلنے پر معافی کا طلب گار ہوں اور امید کرتا ہوں کہ اگلی بار سیکیورٹی خدشات نہیں ہوں گے اور میں لاہور ضرور آؤں گا۔

https://twitter.com/ravibopara/status/837769724419325952

کراچی کنگز میں شامل انگلش کھلاڑی روی بوپارہ نے بھی ٹوئٹر پر اپنی ٹیم کراچی کنگز کا شکریہ ادا کرتے ہوئے کہا کہ کراچی کے لوگوں کی جانب سے سپورٹ پر ان کا بے حد شکر گزار ہوں۔